Заробкі супрацоўнікаў беларускіх ІТ-кампаніі у Літве ў два з паловай раза большыя, чым сярэднія па краіне
У Літву сёлета прыехала рэкордная колькасць беларускіх кампаній, якія працуюць у сферы інфармацыйных тэхналогій, а з імі — і работнікаў, паведамляе Delfi са спасылкай на радыё LRT.
Так EPAM Systems павялічыла штат з 320 да амаль 1500 чалавек, а Wargaming — з 400 да амаль 1000. Значна вырас таксама штат супрацоўнікаў беларускай кампаніі Coherent Solutions.
Прадстаўнік «Інвестуй у Літву» (кампанія дапамагае беларусам перавесці бізнэс у Літву) Эліюс Чывіліс сказаў, што сёлета ў Літву перабраліся кампаніі, якія хацелі як мага хутчэй пазбавіцца сувязяў з Беларуссю.
«Міграцыя сёлета адрознівалася тым, што ў асноўным гэта былі кампаніі, якія хацелі пазбавіцца сувязяў з Беларуссю, закрыць там свае офісы і з'ехаць з краіны», — сказаў Чывіліс.
Па яго словах, хваля «перасялення» прынесла карысць фінансам Літвы. «Ужо цяпер па даных «Содры» мы бачым, што сярэднія заробкі тых, хто перабраўся ў Літву, — у 2,7 раза вышэйшыя, чым у краіне (у Літве сярэдні заробак «на паперы», па даных за трэці квартал, складае 1799 еўра, у ІТ-кампаніях — 4900 еўра). Гэта ўражальныя сумы падаходнага падатку, якія ідуць у бюджэт. Гэта станоўча адбіваецца на дзяржаўных фінансах», — сказаў Чывіліс.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі35
Каментары