Суд праз развод замарозіў актывы беларускага ІТ-прадпрымальніка на $120 мільёнаў
Уся справа — у шлюбаразводным працэсе Марыі і Сяргея Гвардзейцавых, піша Dev.by.
Сёлета ў жніўні акруговы суд Ларнакі вынес распараджэнне аб накладанні абмежаванняў на Firestrong — холдынгавую кампанію Сяргея Гвардзейцава, якая валодае ў тым ліку доляй у Itransition.
Пра гэта паведаміла жонка Гвардзейцава Марыя Гвардзейцава, паказаўшы дакументы з суда. Распараджэнне прынятае ў забеспячэнне пазову Марыі Гвардзейцавай пра скасаванне шлюбу, пададзенага ў ліпені гэтага года ў англійскі суд.
Кіпрскі суд забараняе ўносіць змены ў акцыянерны капітал Firestrong да заканчэння шлюбаразводнага працэсу. Акрамя таго, ён забараняе памяншаць/абцяжарваць актывы кампаніі ніжэй за парог у 120 млн еўра — паловы сумы, у якую Марыя Гвардзейцава ацаніла маёмасць сям'і. Пад гэта абмежаванне падпалі акцыі Itransition Holdings Limited і мальтыйскай кампаніі SG Yachting Holding Limited, а таксама банкаўскія рахункі Firestrong.
Марыя Гвардзейцава так пракаментавала гэтае рашэнне для dev.by:
— У рамках разводу суд будзе вырашаць у тым ліку фінансавыя пытанні падзелу сумесна нажытай маёмасці. На падставе інфармацыі з публічных крыніц палову сумеснай маёмасці мы ацанілі ў 120 млн еўра. Большая частка актываў сям'і сканцэнтраваная ў кіпрскай кампаніі Firestrong, бенефіцыярам якой з’яўляецца Сяргей. Яе кошт мы ацэньваем як мінімум у 166,4 млн еўра, ёй належыць не менш за 30% долей Itransition.
Былі асцярогі, што ў працэсе разводу Сяргей пачне выводзіць грошы ў афшоры і хаваць актывы, і, каб не дапусціць гэтага, я звярнулася ў суд па загад аб арышце. Суд палічыў мае аргументы разумнымі і вынес рашэнне аб арышце актываў Firestrong на 120 млн еўра.
Сяргей Гвардзейцаў ад каментара dev.by адмовіўся.
У судовым працэсе ў адказ, у верасні (рашэнне суда dev.by таксама дала Марыя Гвардзейцава), Firestrong дамаглася дазволу на правядзенне шэрагу фінансавых аперацый на суму каля 13 млн еўра. Суддзя палічыў, што іскавыя патрабаванні Марыі Гвардзейцавай на 120 млн еўра забяспечаныя з лішкам і што нармальнае функцыянаванне кампаніі прывядзе да захавання або павелічэння актываў, замарозка ж яе дзейнасці — наадварот, да страты актываў. «Няма ніякіх сумневаў у тым, што Firestrong мае права і мусіць свабодна гандляваць у рамках звычайнага і нармальнага працэсу сваёй дзейнасці», — гаворыцца ў судовым рашэнні.
Бок Марыі Гвардзейцавай у сваю чаргу падаў апеляцыю на гэтае рашэнне, яна яшчэ не разгледжаная.
Мікола Бугай: Трэба перагарнуць старонку 2020-га і пачаць жыць новымі рэаліямі68
Каментары