У Нарвегіі затрымалі сына высокапастаўленага расійскага чыноўніка, паведамілі нарвежскія СМІ. Расійскаму РБК удалося высветліць, што затрыманы — сын былога кіраўніка Расійскай чыгункі Уладзіміра Якуніна Андрэй Якунін, які з'яўляецца сузаснавальнікам брытанскага фонду Venture Investments & Yield Management.
Андрэй Якунін быў затрыманы ў сувязі з запускам беспілотніка на архіпелагу Шпіцберген, на якім сын расійскага чыноўніка знаходзіўся ў жніўні.
«Андрэй захапляецца прыродай, фатаграфіяй і экстрэмальнымі відамі спорту, пра што сведчыць яго актыўнасць у сацыяльных сетках. Андрэй, грамадзянін Вялікабрытаніі, цалкам супрацоўнічае з уладамі, каб даць усю неабходную інфармацыю адносна бяскрыўдных мэтаў ягонага адпачынку на лодцы», — прыводзіць РБК адказ на запыт, накіраваны ў кампанію Якуніна.
Андрэй Якунін быў затрыманы 17 кастрычніка ў горадзе Хамерфэсце, у яго былі канфіскаваныя дрон і электронныя прылады.
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары