Свет11

«Гэта прысуд нам усім». Сіманьян паскардзілася, што расійскія выдавецтвы адмовіліся выдаваць зборнік з літарай Z на вокладцы

Вядомая прапагандыстка Маргарыта Сіманьян паскардзілася ў тэлеграм-канале, што выдавецтвы адмаўляліся выдаваць зборнік «сучаснай франтавой паэзіі «Паэzія рускага лета», бо «ніводны кніжны магазін не возьме».

Яна распавядае, што калі прапагандысты звярнуліся ў выдавецтвы з прапановай выдаць зборнік, які прапагандысты «самі склалі, зрабілі ілюстрацыі і наогул усё», ім адказалі:

«Прыбярыце з вокладкі літару Z. З гэтай літарай ніводны кніжны магазін не возьме».

«Гэта цытата. І гэта, вядома, прысуд. Нам усім», — піша Сіманьян.

Але зборнік усё ж выйшаў. Як менавіта, яна не ўдакладняе.

«У ім — вершы, годныя Сіманава і Твардоўскага. Многія з паэтаў усе восем гадоў пісалі пра вайну, пра Данбас, пра жыццё і смерць», — дае рэкамендацыю Сіманьян.

Намеснік сакратара Савета бяспекі РФ Алег Храмаў у гэты ж час заявіў, што шэраг дзеячаў культуры «ўпотай сабатуюць перавод расійскага культурнага асяроддзя ў патрыятычную плоскасць».

«Асобныя стаіліся, але працягваюць сабатаваць дзеянні па пераводзе развіцця культурнага асяроддзя ў высокамастацкую і патрыятычную плоскасць», — сказаў Храмаў, не ўдакладніўшы прозвішчаў.

Акрамя палітычнага складальніка, прычынай такой пазіцыі Храмаў называе непрыманне «асобнымі асобамі» самой ідэі падпарадкоўвацца грамадскаму кантролю за дзейнасцю творчых калектываў, а таксама «нежаданне ўлічваць запыты пераважнай большасці насельніцтва краіны, якое патрабуе адпаведнасці творчых адваг духоўна-маральным каштоўнасцям, а значыць нацыянальным інтарэсам», — мяркуе ён.

Каментары1

  • Паляшук
    17.10.2022
    Вось гэта - прыгожае: перавод расійскага культурнага асяроддзя ў патрыятычную плоскасць. Мастацтва тым і прываблівае, што яно не плоскае, а змяняе формы, дазваляе разглядаць з'явы, падзеі і асобаў пад рознымі вугламі, выяўляе новыя сэнсы. І ў пэўным сэнсе я з бабраедкай нават згодны (што вельмі нечакана!;)). Крамлёўская і драздоўская імітацыія культурнага жыцця з паралельнымі рэпрэсіямі супраць сапраўдных творцаў - гэта прысуд усім гэтым саўкам ды імперцам. Barbarians must die.

Цяпер чытаюць

У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць19

У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць

Усе навіны →
Усе навіны

65‑гадовай пенсіянерцы з Мінска прысудзілі чатыры гады за каментары ў інтэрнэце30

У Фларыдзе выявілі снайперскую вышку з відам на самалёт Трампа3

Авіякатастрофа ў Ганконгу: грузавы самалёт з'ехаў з паласы ў мора, загінулі двое супрацоўнікаў аэрапорта

Галоўчанка заклікаў людзей не шарахацца, не панікаваць і пазбаўляцца ад даляра12

Беларуска пераехала са Слоніма ў французскую вёску, дзе працуе сядзелкай у мясцовых пенсіянераў — і шчаслівая ВІДЭА13

Трамп запярэчыў, што прымушаў Зяленскага аддаць Расіі ўвесь Данбас9

Картэж віцэ-прэзідэнта ЗША трапіў пад асколкі снарада3

За апошнія 10 гадоў арэндныя стаўкі выраслі ўдвая. За колькі цяпер здаюць кватэры13

Церцель сказаў, што вядзецца праца, каб арганізаваць размову Лукашэнкі з Зяленскім17

больш чытаных навін
больш лайканых навін

У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць19

У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць

Галоўнае
Усе навіны →

Заўвага:

 

 

 

 

Закрыць Паведаміць