Ціханоўская сустрэлася з міністрам унутраных спраў Польшчы, ён падтрымаў яе пераходны кабінет
3 кастрычніка міністр унутраных спраў Польшчы Марыюш Каміньскі сустрэўся з лідаркай дэмакратычнай апазіцыі Беларусі Святланай Ціханоўскай. У сустрэчы таксама ўзялі ўдзел намеснік міністра Барташ Градзецкі і амбасадар Польшчы ў Рэспубліцы Беларусь Артур Міхальскі.
З боку Аб’яднанага пераходнага кабінета ўдзел у сустрэчы бралі: кіраўніца Святлана Ціханоўская, прадстаўнік па транзіце ўлады Павел Латушка, прадстаўнік па замежных справах Валерый Кавалеўскі, прадстаўнік па аднаўленні законнасці і правапарадку Аляксандар Азараў і прадстаўнік па абароне і нацыянальнай бяспецы Валерый Сахашчык. Ціханоўская распавяла міністру пра планы дэмакратычных сілаў, пра сітуацыю з беларусамі ў Польшчы і пра дапамогу, якую беларусы аказваюць Украіне. Прадстаўнікі Кабінета распавялі аб працы ў сваіх напрамках.
«Падчас размовы міністр Марыюш Каміньскі запэўніў, што Польшча і далей падтрымлівае і цэніць дзейнасць беларускай апазіцыі, у тым ліку, у прыватнасці, створанага ў жніўні 2022 года часовага кабінета пад кіраўніцтвам Святланы Ціханоўскай», — паведаміла прэс-служба МЗС Польшчы.
Польскі бок таксама паведаміў пра змены ў польскім заканадаўстве, якія спрашчаюць пражыванне беларусаў у краіне, і аб дзейнасці працоўнай групы па вырашэнні праблем беларусаў.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра ваенныя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары