Беларускі футбольны трэнер: Буду даваць інтэрв’ю толькі на ўкраінскай мове
Пра гэта трэнер львоўскага «Руху» Леанід Кучук заявіў у інтэрв'ю прэс-службе клуба.
Фота: ФК «Рух»
«Футбол падчас вайны… Гэта новы вопыт не толькі для футбалістаў і трэнерскага штаба. Я веру, што ўсё будзе добра, наступіць мір ва Украіне і наша маладое пакаленне не будзе баяцца ракет і выбухаў, а будзе гуляць у футбол і будзе радаваць заўзятараў. Я шчаслівы, што маю магчымасць атрымліваць такую вялікую колькасць таленавітай моладзі, і прыкладу ўсе намаганні, каб перадаць ім свой вопыт. Акрамя гэтага, я стаўлю таксама перад сабой задачу размаўляць на ўкраінскай мове. Стараюся яе паляпшаць кожны дзень і буду даваць інтэрв'ю толькі на ўкраінскай», — сказаў Кучук.
Раней Леанід Кучук называў падзеі ва Украіне «генацыдам» і не стрымліваў слёз.
Каментары