Пра смерць галоўнага пазаштатнага дзіцячага нефролага Міністэрства аховы здароўя, акадэміка Нацыянальнай акадэміі навук Беларусі Аляксандра Сукалы стала вядома ўчора.
Акадэмік быў адным з арганізатараў Цэнтра дзіцячага гемадыялізу, навуковым кіраўніком Рэспубліканскага цэнтра дзіцячай нефралогіі і нырачнай замяшчальнай тэрапіі. Дзякуючы яго даследаванням, у Беларусі быў укаранёны метад нефрабіяпсіі ў дзіцячай нефралогіі. А выкарыстанне сучасных высокатэхналагічных методык нырачнай замяшчальнай тэрапіі дапамагло дасягнуць значных вынікаў па зніжэнні смяротнасці пры вострай нырачнай недастатковасці з 35% да практычна нуля.
У 2009 годзе Аляксандр Сукала быў абраны членам-карэспандэнтам, у 2014 годзе — акадэмікам НАН Беларусі. Ён аўтар больш чым 740 навуковых прац, у тым ліку 6 манаграфій, 44 даведнікаў, падручнікаў і вучэбна-метадычных дапаможнікаў.
Удастоены медаля «За працоўныя заслугі» (2007), а таксама ордэна Свяціцеля Кірылы Тураўскага II ступені (2011), ордэна Еўфрасінні Полацкай (2012), ордэна Пашаны (2016), «Залатога медаля» Нацыянальнай акадэміі навук Беларусі (2019).
Пахаваюць Аляксандра Сукалу на Усходніх могілках Мінска. Развітанне з акадэмікам адбудзецца 5 мая ў 11.00 у Вялікай канферэнц-зале Прэзідыума НАН Беларусі (па.Незалежнасці, 66).
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары