«Санкцыі адчулі на ўласнай скуры». Работнікі «Беларуськалія» расказалі пра сітуацыю на прадпрыемстве
Да нядаўняга часу ААТ «Беларуськалій» было адным з найбуйнейшых вытворцаў і экспарцёраў калійных мінеральных угнаенняў. Паводле звестак Міжнароднай асацыяцыі ўгнаенняў, «Беларуськалій» вырабляў пятую частку сусветнага аб'ёму калійных угнаенняў. Але пачалі дзейнічаць санкцыі, і вытворчасць спынілася ў прамым сэнсе слова.
«Медыя-Палессе» пагутарыла з людзьмі, якія працуюць у Салігорску. Вось што яны кажуць.
«Камбінат стаіць, шмат людзей адпраўленыя ў адпачынкі або працуюць, але не на поўны тыдзень. Кіраўніцтва пераконвае рабацяг перспектывамі пра будаўніцтва партовага тэрмінала ў Расіі. Але мы разумеем, што такія рэчы будуюцца, але не так хутка, як камусьці хацелася б…» — расказвае Уладзімір.
Аляксандр: «Адгрузкі няма зусім. Была спроба адпраўляць прадукцыю не спецыяльнымі вагонамі, як было раней, а ў кантэйнерах. Але нешта ў іх не вельмі з гэтым пайшла справа. Начальства прыдумала планавы рамонт. Кажуць, што час прыйшоў. Але ўсе разумеюць, што спыняць увесь камбінат на рамонт ніхто б не стаў, калі б быў збыт».
Сяргей: «Санкцыі працуюць, адназначна. Мы ўжо адчулі гэта на ўласнай скуры. Асабіста я сур'ёзна задумаўся пра змену працы, шукаю нармальнае месца. Перспектыва заставацца ў Салігорску зусім не вясёлкавая. Не будзе збыту — не будзе заробкаў. А ў мяне сям'я, я адказны за іх».
Міхаіл: «Паходу, нічога добрага ў бліжэйшы час у Салігорску не будзе. Камбінат стаіць. Дзесьці вядзецца рамонт, а дзесьці проста ілюзія дзейнасці. Зразумела, што тупа верыць абяцанням пра светлую будучыню не атрымаецца — падаюць зарплаты, і гэта вельмі хутка адаб'ецца на дабрабыце работнікаў камбіната. Галодным і за грошы ніхто ў забой не спусціцца. Я так думаю».
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары