16 сакавіка памёр беларускі гісторык, пісьменнік і журналіст Мікола Багадзяж.
«Абаяльны чалавек, заўсёды малады душою, энцыклапедычных ведаў даследчык. Шкада і жалоба — яшчэ адзін добры беларус пакінуў нас, а яны ж так патрэбныя сёння — у ліхую гадзіну», — напісаў пра сябра бібліятэкар і краязнаўца Валерый Герасімаў.
Мікола Багадзяж нарадзіўся 16 мая 1957 г. у в.Траянаўка Барысаўскага раёна. У 1984 скончыў гістфак БДУ. Працаваў настаўнікам у вясковых школах Барысаўскага і Дзяржынскага раёнаў, у аддзеле археалогіі Інстытута гісторыі Нацыянальнай акадэміі навук.
З 1990 года працаваў журналістам у «Чырвонай змене», «Цэнтральнай газеце», часопісах «Бярозка» і «Нёман».
Аўтар шматлікіх навукова-папулярных выданняў і публікацый па гісторыі і культуры Беларусі.
Сумесна з Ірынай Масляніцынай (жонкай) напісаў кнігі «Слава і няслаўе» (1995), «Радзівілы — нясвіжскія каралі» (1997), «Радзівілы ў эпоху інтрыг і авантур» (2003) і інш. Шэраг артыкулаў прысвяціў радаводу Чапскіх, запісаў пра іх легенды і паданні.
Развітанне адбудзецца ў пятніцу на Паўночных могілках у 12:30.
-
Пад Стоўбцамі збіраліся знесці чарговую шляхецкую сядзібу. Апомніліся, толькі калі мясцовыя жыхары паднялі шум
-
У Літву з Ватыкана прывезлі ўнікальныя кодэксы з Пагоняй і гістарычнымі мініяцюрамі, створаныя беларускімі графінямі для Папы
-
Беларусы змогуць набываць кнігі ўсляпую — на іх нават будзе зніжка
Цяпер чытаюць
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары