Акцёр Міхаіл Барышнікаў, пісьменнік Барыс Акунін і эканаміст Сяргей Гурыеў заклікалі ўсіх рускіх дапамагаць украінскім уцекачам
Акцёр Міхаіл Барышнікаў, пісьменнік Барыс Акунін і эканаміст Сяргей Гурыеў хочуць сабраць 500 тысяч фунтаў стэрлінгаў на дапамогу ўкраінцам.
Акцёр Міхаіл Барышнікаў, пісьменнік Барыс Акунін і эканаміст Сяргей Гурыеў выступілі з заявай супраць вайны.
«Дзяржава «Расійская Федэрацыя», уладу ў якім захапіў дыктатар, развязала злачынную вайну.
Гэта ўдар па ўсіх нас, людзях, якія належаць да рускай культуры і размаўляюць на рускай мове. Само слова «рускі» стала ў вачах свету таксічным.
Але ў тысячу разоў страшнейшае тое, што зараз адбываецца з блізкім нам украінскім народам. На нашых вачах разгортваецца сапраўдная гуманітарная катастрофа. Многія сотні тысяч украінцаў страцілі ўсё: свой дом, сродкі да існавання, маёмасць. І колькасць бежанцаў будзе расці, сітуацыя будзе толькі пагаршацца.
Большасць з нас знаходзіцца далёка ад месца падзей, многія ‒ вельмі далёка. У нас няма магчымасці спыніць гэты кашмар. Але мы не можам, не хочам, не маем права бяздзейнічаць. Самае меншае, што мы можам зрабіць, ‒ аказаць дапамогу людзям, якія бягуць ад расійскай ‒ не, ад пуцінскай ‒ арміі.
Давайце ўсім рускім мірам дапамагаць украінскім уцекачам.
Дыктатар вядзе вайну не толькі з Украінай, але і з уласнай краінай, пазбаўляючы яе будучыні, вытоптваючы і знішчаючы ў ёй усё жывое, насаджваючы паўсюль мерцвячыну», ‒ гаворыцца ў заяве.
Яе аўтары абвесцілі збор сродкаў для дапамогі ўкраінцам. Яны хочуць сабраць паўмільёна фунтаў стэрлінгаў. Сабрана ўжо больш за палову анансаванага.
-
Прэм'ерка Літвы: Мы не пойдзем на змякчэнне санкцый супраць Беларусі, нават калі на нас будуць ціснуць
-
Марк Рутэ абвясціў пра запуск спецыяльнай праграмы НАТА для абароны ўсходняга флангу альянсу
-
У Грузіі затрымалі грузавік з украінскім гексагенам. Ён нібыта быў прызначаны для аперацыі «Павуцінне-2»
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі19
Каментары