Літаратура

«Бык купіў сабе «Лэндкрузер»… Новыя дзіцячыя вершы з турмы ад Андрэя Скурко

Андрэй Скурко — палітвязень, выбітны аўтар і рэдактар. Па абсалютна надуманым абвінавачванні ён і галоўны рэдактар «Нашай Нівы» Ягор Марціновіч знаходзяцца за кратамі. У сваіх лістах Андрэй не толькі разважае пра літаратуру, гісторыю ды філасофію, але і дасылае ўласныя вершы для свайго малога сына і ўсіх дзяцей свету.

Бык купіў сабе «Лэндкрузер»

Бык купіў сабе «Лэндкрузер» —
Насмяшыў гусей на лузе.
Гусі гучна гагаталі,
А пасля купацца сталі.

Нёс алень на рогах ровар —
Насмяшыў шашка ў дровах.
І ад смеху той шашок
Ледзь не трапіў у мяшок.

На мапедзе едуць лісы —
Дзік смяяўся з іх да віску.
Аж ад смеху ён на лузе
Паваліўся ў кукурузе.

Кажа дзік: «Нашто вам ехаць?
Кожны б мог як вецер бегаць,
Абагнаць мапед і ровар,
Ды і джып сапхнуць з дарогі.

Плыў бабёр на бервяне —
Пасмяёмся або не?

Наша мора

Цэлы месяц дождж імжыў —
Мора з лужыны зрабіў.
Мы па моры паплылі
На вялікім караблі.

Разам з намі наш сабака,
Папугаі і каты.
Прывітанне, чарапахі,
Васьміногі і кіты!

Каляровыя каралы
Нам дэльфіны паказалі,
І адкрылі альбатросы
Таямнічых скарбаў востраў.

І пілі марской каровы
Мы марское малако.
Частавала рыба-заяц
Нас капустаю марской.

І марскія булачкі
Неслі нам акулачкі…
У такое падарожжа
Марыць выправіцца кожны.

Чытайце таксама: Дзіцячыя вершы Андрэя Скурко чытаюць купалаўцы ВІДЭА

Андрэй Скурко даслаў новую порцыю турэмнай лірыкі

Каментары

Цяпер чытаюць

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі2

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі

Усе навіны →
Усе навіны

Без візы і апастылю. Паступіць ва ўніверсітэт у Еўропу прасцей, чым вы думалі4

У Кіеве ў выніку атакі беспілотнікаў пашкоджаны Сафійскі сабор

Віленскі суд адфутболіў Балкунца, які скардзіўся літоўскім уладам на Вячорку і Матольку12

Стральба адбылася ў школе ў аўстрыйскім Грацы: 11 загінулых4

Вялікі тэатр Беларусі плануе гастролі ў анексаваным Крыме3

«Прачнуліся ад аглушальнага хлапка, а потым зразумелі, што гарым». У Мінску маланка трапіла ў прыватны дом5

Лукашэнка пра «Беларусьфільм»: Няхай ствараюць, прадаюць і жывуць, не — да пабачэння8

Ізраіль дэпартаваў Грэту Тунберг. Яе пасадзілі ў самалёт14

«Паспрабуйце гады праз тры». Менеджар выехаў у ЗША з беларускім офісам пасля 2020 года. Паўтараць (пакуль) не раіць8

больш чытаных навін
больш лайканых навін

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі2

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі

Галоўнае
Усе навіны →

Заўвага:

 

 

 

 

Закрыць Паведаміць