Паводле звестак 12-га тэлеканала ізраільскага ТБ, адвакатка Мая Райтэн-Столь ужо пакінула Беларусь і ляціць у Ізраіль. У Беларусі пра гэта афіцыйна яшчэ не паведамлялася.
Ізраільская прэса паведамляе падрабязнасці вызвалення адвакаткі Маі Райтэн-Столь: пасля званка прэзідэнта Герцага Лукашэнку ў Мінску аператыўна адбыўся суд над адвакаткай, якая абвінавачвалася ў кантрабандзе наркотыкаў (медыцынская марыхуана) і была прысуджаная да штрафу ў памеры 2 500 даляраў ЗША.
Беларусы пры такім жа абвінавачванні звычайна атрымліваюць доўгія гады турэмнага зняволення, а само следства доўжыцца месяцамі.
Сваю лепту ў вызваленне Райтэн-Столь унеслі кіраўнік МЗС Ізраіля Яір Лапід і міністр фінансаў Авігдор Ліберман, у якога даўнія сувязі ў кіраўніцтве Беларусі.
Як сцвярджае гісторык Аляксандр Фрыдман, які паведаміў пра гэта ў сваім тэлеграм-канале:
«Гісторыя Райтэн — такое пасланне Лукашэнкі краінам Захаду: у Мінску гатовыя да прамых пераагавораў пра лёс зняволеных, а званок самому Лукашэнку дазволіць аператыўна вырашыць праблемы.
Пры гэтым, аднак, варта падкрэсліць адну важную асаблівасць: справа Райтэн-Столь не насіла палітычны характар».
Ізраільскую адвакатку на пачатку лістапада затрымалі ў мінскім аэрапорце з 2,5 грама марыхуаны, якія яна, згодна з рэцэптам тамтэйшага доктара, выкарыстоўвала як лек. У Беларусі ж гэта — крымінальнае злачынства.
Чаму прэзідэнт Ізраіля Герцаг званіў Лукашэнку?
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук3
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары