New York Times: Авіядыспетчар збег з Беларусі ў Польшчу і расказаў пра пасадку Ryanair
Былы авіядыспетчар расказаў польскім следчым усё, што яму вядома аб пасадцы самалёта з Пратасевічам, піша New York Times.
Выданне паведамляе, што былы дыспетчар перадаў падрабязныя доказы таго, што пасадка самалёта Ryanair праходзіла ў рамках аперацыі беларускіх спецслужбаў.
Дырэктар Дэпартамента нацыянальнай бяспекі Польшчы Станіслаў Жарын расказаў, што палякам удалося «атрымаць справаздачу непасрэднага сведкі дзеянняў на дыспетчарскай вышцы ў Мінску».
Па словах сведкі, супрацоўнік КДБ у дзень пасадкі самалёта знаходзіўся ў дыспетчарскай вышцы і ў вырашальны момант узяў пад кантроль авіядыспетчара. На працягу ўсяго інцыдэнту афіцэр КДБ падтрымліваў пастаянную тэлефонную сувязь з кіраўніцтвам.
Перабежчык цяпер дапамагае польскім пракурорам пабудаваць юрыдычную базу супраць беларускіх чыноўнікаў на будучым судзе.
Імя дыспетчара — Алег Галегаў, ён этнічны грузін, жанаты на беларусцы. Дзяжурыўшы на дыспетчарскай вышцы падчас інцыдэнту з Ryanair, Галегаў быў адказны за тое, каб паведаміць пілоту самалёта, што на борце была бомба і што ён павінен спыніць палёт у Вільню і прызямліцца ў Мінску з «меркаванняў бяспекі».
Пра дыспетчара чытайце ў нашым эксклюзіўным матэрыяле: Крыніцы: дыспетчар, які садзіў самалёт з Пратасевічам, з’ехаў разам з сям’ёй
З моманту свайго знікнення з Беларусі летам авіядыспетчар выдаліў усе свае акаўнты ў сацыяльных сетках.
Ён першапачаткова звязаўся з пасольствам ЗША ў Варшаве, але амерыканцы накіравалі яго да польскіх уладаў.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў136
Каментары