Паводле заявы адваката былога прэзідэнта Грузіі Міхаіла Саакашвілі Бекі Басілая, з-за галадоўкі Міхаіл Саакашвілі страціў 12 кг, і яго стан пагаршаецца з кожным днём.
«Гледзячы на яго, відаць, што чалавек схуднеў. Ён страціў прыблізна больш за 12 кг, як я ведаю. З кожным днём стан яго здароўя паступова пачне пагаршацца, калі ўжо не пагоршыўся. Маральна ён бадзёры», — цытуе Басілая Interpressnews.ge.
Саакашвілі затрымалі ў Грузіі 1 кастрычніка. Палітык прыехаў у краіну пасля васьмі гадоў эміграцыі. Ён вярнуўся ў Грузію з Украіны, каб удзельнічаць у пратэсных акцыях пасля выбараў, якія адбыліся 2 кастрычніка, але быў затрыманы і змешчаны пад арышт. Супраць яго заведзеныя чатыры крымінальныя справы, агулам яму пагражае да шасці гадоў турмы.
Адразу пасля арышту Саакашвілі абвясціў галадоўку.
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары