Кіраўнік Гродзенскай вобласці расказаў, як рэагуе на крытыку ў інтэрнэце
Уладзімір Каранік спрабуе весці старонку ў фэйсбуку, пакуль у яго 1329 падпісантаў, допісы звычайна збіраюць каля 200 лайкаў.
Дзяржаўныя журналісты спыталі, як чыноўнік рэагуе на крытыку ў каментарах.
«На такія каментары я проста не рэагую, — заявіў Каранік. — Калі рэгістраваўся ў фэйсбуку, разумеў, з чым давядзецца сутыкнуцца. Паспяховы чалавек, які жыве спакойным жыццём, як правіла, не будзе губляць час на напісанне непрымальных каментароў. Як паказвае досвед, пад публікацыямі ў маім акаўнце пішуць дзве катэгорыі людзей, у тым ліку тыя, хто не можа знайсці сябе ў жыцці і праводзіць час каля манітора ў развагах, што ці каго яшчэ пакрытыкаваць. Ёсць і тыя, хто такім чынам спрабуе зрабіць сабе імя. Разам з тым, ёсць і тыя, хто піша з добрымі намерамі, ёсць даволі звычайныя каментары, дзе людзі дзякуюць і звяртаюцца з просьбамі і пытаннямі».
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння25
Каментары