Незалежная трупа «Купалаўцы» анансавала чытку п’есы «Гардэнія» сучаснай польскай аўтаркі Эльжбеты Хаванец.
Наогул гардэнія — гэта трапічны куст з пяшчотнымі кветкамі. Але
ў аднайменнай п'есе сучаснага польскага драматурга Эльжбеты Хаванец ідзе гаворка пра чатыры пакаленні адной сям’і, у якой адбываюцца вечныя канфлікты.
«Ці ёсць выйсце з гэтага бясконцага ланцугу непаразумення? Ці хопіць сіл перавярнуць хаду ўласнай гісторыі? Адказ у руках і ў сілах кожнай жанчыны, кожнага чалавека.
Ані аўтарка п’есы, ані мы не маем дакладнага рэцэпту дасканалых адносін, але запрашаем да гэтай цяжкай і патрэбнай размовы», — анансуюць «Купалаўцы».
Чытку ажыццявіць малады рэжысёр Пётр Непагода. Яму 28 гадоў. У 2019 скончыў Акадэмію мастацтваў па спецыяльнасці рэжысёр драматычнага тэатра (курс Сяргея Кавальчыка). Працаваў памочнікам рэжысёра ў Купалаўскім.
Гэта дэбют Непагоды ў гэтым калектыве як рэжысёра.
«Пасля знаёмства з п’есай думкамі я пастаянна вяртаўся да яе. Я бачыў гэтыя сітуацыі ў сем’ях маіх сяброў, слухаў іх гісторыі і назіраў у рэальнасці.
Шмат хто з маіх сяброў і сябровак дагэтуль не здольны даць рады бацькоўскай спадчыне. Яны дазваляюць бацькам гасіць у іх жаданне жыць уласным сэрцам. Здольнасць крочыць па жыцці, не звяраючы час з гадзіннікамі бацькоў, што ўсё часцей барахляць. Для мяне жах у тым, што ўсе робяць гэта з найлепшымі памкненнямі.
Я спадзяюся, што сам ніколі не стану такім для свайго дзіцяці», — каментуе Непагода.
Ролі выконваюць Валянціна Гарцуева, Марта Голубева, Крысціна Дробыш і Антаніна Дубатоўка.
Пераклад на беларускую мову ажыццявіла Марыя Пушкіна.
Прэм’ера чыткі адбудзецца 3 ліпеня а 19 гадзіне на ютуб-канале «Купалаўцы».
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары