Niezaležnaja trupa «Kupałaŭcy» anansavała čytku pjesy «Hardenija» sučasnaj polskaj aŭtarki Elžbiety Chavaniec.
Naohuł hardenija — heta trapičny kust ź piaščotnymi kvietkami. Ale
ŭ adnajmiennaj pjesie sučasnaha polskaha dramaturha Elžbiety Chavaniec idzie havorka pra čatyry pakaleńni adnoj siamji, u jakoj adbyvajucca viečnyja kanflikty.
«Ci jość vyjście z hetaha biaskoncaha łancuhu nieparazumieńnia? Ci chopić sił pieraviarnuć chadu ŭłasnaj historyi? Adkaz u rukach i ŭ siłach kožnaj žančyny, kožnaha čałavieka.
Ani aŭtarka pjesy, ani my nie majem dakładnaha receptu daskanałych adnosin, ale zaprašajem da hetaj ciažkaj i patrebnaj razmovy», — anansujuć «Kupałaŭcy».
Čytku ažyćciavić małady režysior Piotr Niepahoda. Jamu 28 hadoŭ. U 2019 skončyŭ Akademiju mastactvaŭ pa śpiecyjalnaści režysior dramatyčnaha teatra (kurs Siarhieja Kavalčyka). Pracavaŭ pamočnikam režysiora ŭ Kupałaŭskim.
Heta debiut Niepahody ŭ hetym kalektyvie jak režysiora.
«Paśla znajomstva z pjesaj dumkami ja pastajanna viartaŭsia da jaje. Ja bačyŭ hetyja situacyi ŭ siemjach maich siabroŭ, słuchaŭ ich historyi i naziraŭ u realnaści.
Šmat chto z maich siabroŭ i siabrovak dahetul nie zdolny dać rady baćkoŭskaj spadčynie. Jany dazvalajuć baćkam hasić u ich žadańnie žyć ułasnym sercam. Zdolnaść kročyć pa žyćci, nie źviarajučy čas z hadzińnikami baćkoŭ, što ŭsio čaściej barachlać. Dla mianie žach u tym, što ŭsie robiać heta z najlepšymi pamknieńniami.
Ja spadziajusia, što sam nikoli nie stanu takim dla svajho dziciaci», — kamientuje Niepahoda.
Roli vykonvajuć Valancina Harcujeva, Marta Hołubieva, Kryścina Drobyš i Antanina Dubatoŭka.
Pierakład na biełaruskuju movu ažyćciaviła Maryja Puškina.
Premjera čytki adbudziecca 3 lipienia a 19 hadzinie na jutub-kanale «Kupałaŭcy».
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki11
Kamientary