Лукашэнка пазбавіў 80 сілавікоў званняў за датычнасць да пратэстаў
Лукашэнка сёння падпісаў указ №174, у адпаведнасці з якім больш за 80 былых вайскоўцаў і супрацоўнікаў розных сілавых ведамстваў пазбаўленыя воінскіх і спецыяльных званняў.
Паведамляецца, што ў перыяд пратэстаў асобныя вайскоўцы і супрацоўнікі сілавых ведамстваў «нагняталі пратэсныя настроі ў грамадстве, арганізоўвалі і ўдзельнічалі ў несанкцыянаваных мерапрыемствах, размяшчалі ў сетцы інтэрнэт экстрэмісцкія матэрыялы, заклікалі да радыкальных дзеянняў, публікавалі асабістыя даныя дзяржаўных службоўцаў, журналістаў, супрацоўнікаў праваахоўных органаў, выступалі з абвінавачваннямі, абразамі і пагрозамі на іх адрас».
«Такія дзеянні не сумяшчальныя са статусам вайскоўца і супрацоўніка сілавога ведамства», — гаворыцца ў афіцыйным паведамленні.
Пазбаўленне званняў такой вялікай колькасці сілавікоў не мае прэцэдэнту ў гісторыі Беларусі і паказвае, наколькі неадназначныя настроі пануюць у сілавых структурах.
Сілавікі, якія выступаюць супраць дыктатуры і за свабодныя выбары, аб'ядналіся ў ініцыятыву ByPol. Пасля таго, як ByPol апублікаваў шэраг дакументаў і аўдыёзапісаў знутры сілавых структур, яго тэлеграм-канал уключылі ў спіс экстрэмісцкіх, а яго каардынатараў — у спіс асоб, датычных да тэрарыстычнай дзейнасці.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары