Журналіст Сяргей Шчурко ў сваім фэйсбуку распавёў пра тое, што не больш не супрацоўнічае з газетай «Прэсбол».
«Бывай, «Прэсбол» — ва ўсялякім выпадку, яго друкаваная версія, захопленая непрыяцелем, супрацоўнічаць з захопнікамі не мае намеру, якія б пайкі не прапаноўвалі. Вангую не толькі хуткі сыход калег (многія з якіх ужо ў думках напісалі заяву), але і сыход тых, хто сыходзіць пакуль не збіраецца з прычыны адсутнасці іншых варыянтаў.
Рана ці позна стане сорамна. Хоць і цяпер таксама. Ці маглі мы прадбачыць такі ганебны фінал на сваім 25-годдзі, калі чакалі з турмы Беражкова — найлепшага рулявога ПБ у ягонай гісторыі? Не, смерці папяровай версіі чакалі кожны год, але ўсё ж з натуральных прычын. А тут — як на злосць шляхам хірургічнай аперацыі па адразанні жыццёва важных органаў акурат да 30-гадовага юбілею.
Прызнаюся, вельмі хацеў паўтарыць матч — «Прэсбол» супраць астатняга свету, але, на шчасце, кураж знік да пачатку трэніровак. Застаўся толькі ўспамін пра тыя часы. І фота, дзе ілюстраваны фінт-абыход, характэрны для ляўшы. Ты ўжо ў свабодным палёце і спыніць цябе можна толькі шляхам сяміметровага.
Вось і зараз — пайшоў і ў свабодным. І шчаслівы ад таго, што яшчэ магу гэта зрабіць» — напісаў Шчурко.
***
Некалькі тыдняў таму «Прэсбол», які выдаецца ад 16 студзеня 1991 года, упершыню ўзначаліў чалавек звонку, былы журналіст «Спартыўнай панарамы» і АНТ Сяргей Лісічкін, а з газеты сышлі некалькі журналістаў. 50% акцый выдання належаць Беларускай федэрацыі футбола.
Сяргей Шчурко — адзін з самых вядомых беларускіх спартыўных журналістаў, супрацоўнічаў з «Прэсболам» з канца 1990-х. Ён таксама займаецца арганізацыяй дабрачынных праектаў з удзелам зорак беларускага спорту.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё17
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары