Ігумення Гаўрыіла выбачылася за выступ у «Мінск-Арэне», у якім назвала дэманстрантаў сектантамі і вар'ятамі
Пасля сустрэчы з мітрапалітам Веніямінам ігумення Гаўрыіла з Гродна папрасіла прабачэння за прамову 17 верасня, у якой параўнала праціўнікаў Лукашэнкі, прыхільнікаў свабодных выбараў з «сектантамі» і «вар'ятамі».
Яна патлумачыла свае эмацыйныя выказванні перажываннямі за лёс Радзімы і заклікала ўсіх імкнуцца да міру, згоды і любові.
У мінулы чацвер на мерапрыемстве, што прайшло ў «Мінск-Арэне» ігумння Гаўрыіла сказала:
«Мы бачым натоўп вар'ятаў, якіх шкада, за якіх хочацца маліцца, перад якімі хочацца ўстаць на калені і прасіць: «Спыніцеся!» І якія пад азвярэлыя гукі аўтамабільных клаксонаў з венесуэльскіх рэвалюцыйных сцэнарыяў, у руках і на плячах, і на галаве, і нават, прашу прабачэння, на заднім месцы, якія прымацавалі чужародны, але нібыта свой нацыянальны бел-чырвона-белы сцяг, як раз'юшаны статак, лямантуюць на ўвесь горад дэманскія выкрыкі», — нагадвае TUT.by.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё17
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары