Член штаба Канапацкай прызнаўся, колькі подпісаў насамрэч сабралі на БелАЗе
Былы член штаба кандыдаткі ў прэзідэнты Ганны Канапацкай расказаў карэспандэнту «Нашай Нівы» абставіны таго, як збіраліся подпісы ў яе падтрымку ў Жодзіне. Ён не называе сваё імя, але ў Рэдакцыі ёсць яго кантакты.
«Я ўдзячная БелАЗу, які дазволіў збіраць подпісы ў іх. Я змагла сабраць там больш за 8 тысяч подпісаў…», — хвалілася экс-дэпутатка ў СМІ.
Член штаба пярэчыць: па яго словах на БелАЗе не ўдалося сабраць ўвогуле ніводнага подпісу, бо зборшчыкі зблыталі час.
«Гэта была субота. Хтосьці пайшоў спытаць на прадпрыемства, у колькі будуць рабочыя. Нам назвалі час канца змены — праз некалькі гадзін. Мы вырашылі не губляць час і паставіць пікет проста ў цэнтры Жодзіна. Там жа былі пікеты Ціханоўскай, Цапкалы і Бабарыкі.
Але калі трэба было ехаць на БелАЗ, Канапацкая кудысьці знікла. У выніку мы ўсё ж прыехалі на той БелАЗ, але прапусцілі тую хвалю, тыя 15 хвілін, калі выходзяць рабочыя. У выніку на самім прадпрыемствае мы не сабралі ніводнага подпісу», — прызнаецца актывіст.
Агулам жа штаб Канапацкай сабраў у Жодзіне 84 подпісы. 83 з іх былі залічаныя кандыдатцы.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары