Člen štaba Kanapackaj pryznaŭsia, kolki podpisaŭ nasamreč sabrali na BiełAZie
Były člen štaba kandydatki ŭ prezidenty Hanny Kanapackaj raskazaŭ karespandentu «Našaj Nivy» abstaviny taho, jak źbiralisia podpisy ŭ jaje padtrymku ŭ Žodzinie. Jon nie nazyvaje svajo imia, ale ŭ Redakcyi jość jaho kantakty.
«Ja ŭdziačnaja BiełAZu, jaki dazvoliŭ źbirać podpisy ŭ ich. Ja zmahła sabrać tam bolš za 8 tysiač podpisaŭ…», — chvaliłasia eks-deputatka ŭ ŚMI.
Člen štaba piarečyć: pa jaho słovach na BiełAZie nie ŭdałosia sabrać ŭvohule nivodnaha podpisu, bo zborščyki zbłytali čas.
«Heta była subota. Chtości pajšoŭ spytać na pradpryjemstva, u kolki buduć rabočyja. Nam nazvali čas kanca źmieny — praź niekalki hadzin. My vyrašyli nie hublać čas i pastavić pikiet prosta ŭ centry Žodzina. Tam ža byli pikiety Cichanoŭskaj, Capkały i Babaryki.
Ale kali treba było jechać na BiełAZ, Kanapackaja kudyści źnikła. U vyniku my ŭsio ž pryjechali na toj BiełAZ, ale prapuścili tuju chvalu, tyja 15 chvilin, kali vychodziać rabočyja. U vyniku na samim pradpryjemstvaje my nie sabrali nivodnaha podpisu», — pryznajecca aktyvist.
Ahułam ža štab Kanapackaj sabraŭ u Žodzinie 84 podpisy. 83 ź ich byli zaličanyja kandydatcy.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim1
Kamientary