БПЦ заклікае аслабленых і хворых людзей глядзець трансляцыю набажэнстваў дома
Беларуская праваслаўная царква заклікае аслабленых і хворых людзей глядзець трансляцыю набажэнстваў дома. Пра гэта карэспандэнту БелТА заявіў старшыня Сінадальнага інфармацыйнага аддзела БПЦ протаіерэй Сергій Лепін.
«Калі чалавеку ў Вербніцу трэба толькі асвяціць галінкі і ён не збіраецца ўзяць удзел у набажэнстве, тады лепш застацца дома. Таксама мы заклікаем адмовіцца ад наведвання храмаў выпадковых турыстаў у богаслужэбны час і людзей, якія туды звяртаюцца па традыцыі і інтарэсе. І мы, вядома, заклікаем застацца дома тых вернікаў і актыўных вернікаў, якія з'яўляюцца хворымі і аслабленымі. Мы прапануем ім паглядзець тэлетрансляцыі набажэнстваў. Такая дамоўленасць ёсць з Белтэлерадыёкампаніяй. Пачынаючы з нядзелі прыхаджане змогуць убачыць жывыя трансляцыі набажэнстваў на Вербніцу, Вялікі чацвер, Вялікую пятніцу і Вялікдзень», — распавёў Сергій Лепін.
Паводле яго слоў, у беларускіх храмах прымаюцца ўсе неабходныя санітарна-гігіенічныя меры: праводзіцца дэзынфекцыя і праветрыванне памяшканняў. «Мы робім усё магчымае, каб тэрыторыя храма была бяспечнай для вернікаў», — дадаў Сергій Лепін.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах18
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары