У лютым 2019 года на факультэце журналістыкі БДУ адкрылася «Акадэмія СБ».
«У рамках праекта вядучыя журналісты выдавецкага дома «Беларусь сегодня» кожны аўторак на працягу гэтага семестра будуць праводзіць трэнінгі і майстар-класы», — гаварылася ў анонсе.
Гэта выклікала нэрвовую рэакцыю студэнтаў.
На адну з такіх лекцый — галоўнага рэдактара Дзмітрыя Жука і адыёзнага калумніста Андрэя Мукавозчыка — у сакавіку з цікавасці прыйшоў аўтар «Нашай Нівы», але яна не пачалася да моманту, пакуль ён не пакінуў аўдыторыю: гэта была просьба галоўнага рэдактара Дзмітрыя Жука.
Чытайце. Журналіст «СБ» Мукавозчык — студэнтам: Я ўяўляю, колькі людзей мяне люта ненавідзяць
Студэнты факультэта журналістыкі БДУ паведамілі «НН», што пасля таго выпадку «Акадэмія СБ» у сценах журфака ўжо не праводзіцца.
Як расказалі выкладчыкі, гэтаму папярэднічала непрыемная размова кіраўніцтва «СБ» і кіраўніцтва журфака. «Жук быў абураны тым, што адміністрацыя не здолела недапусціць прыхода нашаніўца. А таксама тым, што студэнты журфака запісалі яго выступ на аўдыя і даслалі ў рэдакцыю», — тлумачыць крыніца.
Кіраўніцтва дзяржаўнай газеты вырашыла перанесці заняткі на сваю тэрыторыю. Але ці звязаныя між сабой падзеі? «Наша Ніва» спыталася пра гэта ў Дзмітрыя Жука.
«Так усё і планавалася! Мы правялі некалькі заняткаў на журфаку, каб зацікавіць студэнтаў работай у «СБ». Адабралі некаторых — каля 15 чалавек. За імі замацаваныя настаўнікі з ліку работнікаў рэдакцыі, і яны ў іх вучацца. Наступны этап пачнем у новым навучальным годзе, на журфаку. Перавод заняткаў у памяшканне «СБ» ніяк не звязаны з візітам аўтара «Нашай Нівы», — запэўніў Жук.
Цяпер чытаюць
Адстаўны міністр-карупцыянер прадае рэспектабельны катэдж каля Драздоў. Просіць $2 мільёны3
Каментары