Прызналі «экстрэмісцкай» старонку памерлага палітвязня Алеся Пушкіна
Гаворка пра фэйсбук-акаўнт мастака Алеся Пушкіна — цяпер ён афіцыйна пад забаронай. У спіс Мiнiнфарма старонка трапіла паводле рашэння суда ад 4 траўня, піша «Вясна».
Алесь Пушкін памёр у ліпені 2023 года ў турэмнай бальніцы пры «нявысветленых абставінах». Яго асудзілі на 5 гадоў калоніі за «знявагу сімволікі» і «распальванне варожасці».
Разам з гэтай старонкай у спіс дадалі і іншыя старонкі і акаўнты, у тым ліку звязаныя з грамадскімі дзеячамі і беларускімі ініцыятывамі:
- старонка ў інстаграме aiiija,
- старонка ва «Укантакце» Dzmitryj Spirydau,
- старонка ў Threads aba_together;
- старонка ў тыктоку chaly_news;
- старонка ў фэйсбуку «Вiталь Трыгубаў»;
- старонка ў тэлеграме seryikotnew (канал былога палітвязня Дзмітрыя Казлова (Шэрага ката).
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары
Нават мёртвыя беларусы працягваюць наносіць шкоду, пагражаць існаванню лукашыстаў.