Пасол Аб’яднаных Арабскіх Эміратаў у ЗША Юсэф Аль Атайба растлумачыў у артыкуле на старонках выдання Financial Times, чаму ягоная краіна вырашыла выйсці з АПЕК пасля дзесяцігоддзяў удзелу ў ім. Па яго словах, гэта рашэнне не толькі эканамічнае, але і звязана з больш глыбокімі зменамі ў свеце.
Юсэф Аль Атайба адзначыў, што АПЕК першапачаткова стваралася для краін, якія моцна залежаць ад экспарту нафты. Аднак ААЭ цяпер ужо не з’яўляюцца такой дзяржавай: доля энергетычнага сектара ў іх эканоміцы складае менш за чвэрць. Затое хутка развіваюцца іншыя галіны — авіяцыя, лагістыка, высокія тэхналогіі, штучны інтэлект, турызм і медыка-біялагічная сфера.
Паводле слоў дыпламата, ягоная краіна актыўна пашырае міжнароднае супрацоўніцтва і заключае эканамічныя пагадненні з рознымі дзяржавамі. Гэта паказвае, што яе інтарэсы значна шырэйшыя за рэгуляванне паставак нафты ў межах калектыўных дамоўленасцяў.
Яшчэ адной прычынай ён назваў нестабільнасць у рэгіёне. ААЭ, паводле яго слоў, зацікаўленыя ў стабільнасці і будуюць сваю энергетычную і знешнюю палітыку з улікам гэтай мэты.
Таксама адзначаецца, што ў межах АПЕК краіна не магла поўнасцю выкарыстоўваць свае магчымасці па здабычы нафты з-за агульных квот. Таму ААЭ плануюць павялічваць здабычу і інвеставаць атрыманыя сродкі ў развіццё інфраструктуры і чыстай энергетыкі.
Пры гэтым улады ААЭ падкрэсліваюць, што не адмаўляюцца ад нафты ўвогуле, але хочуць выкарыстоўваць даходы ад яе для пераходу да больш экалагічных крыніц энергіі.
Акрамя таго, дыпламат выказаў незадаволенасць тым, што ў АПЕК застаецца Іран, абвінаваціўшы яго ў парушэнні міжнароднага права і пагрозах энергетычнай бяспецы ў рэгіёне.
Афіцыйна ААЭ выйшлі з АПЕК 1 мая, заявіўшы, што і надалей будуць нарошчваць здабычу нафты ў адпаведнасці з попытам і ўмовамі рынку.
Сціплая, але важная навіна: Аб’яднаныя Арабскія Эміраты пакінуць АПЕК і АПЕК+ з 1 мая
Каля ўзбярэжжа ААЭ гарыць карэйскі танкер. У вайне ЗША з Іранам новы віток
ААЭ гатовыя дапамагаць ЗША сілай адкрыць Армузскі праліў
Забудзьцеся пра нафту і газ. Як вада можа стаць зброяй у вайне ЗША і Ізраіля супраць Ірана
Саудаўская Аравія і ААЭ просяць Трампа не спыняцца з Іранам
Дзяржаўная міністарка ААЭ: Іран не павінен трымаць сусветную эканоміку ў закладніках
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі15
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары