Беларусь і ЗША павінны вярнуцца да таго этапу ў адносінах, якія былі да крызісу, і пачаць дыялёг, заявіў Лукашэнка ў інтэрвію The Wall Street Journal. Разам з тым, Беларусь «падтрымае Расею ў адэкватных дзеяньнях на разьмяшчэньне амэрыканскай ПРА».
«Усё залежыць ад Амэрыкі. Калі Амэрыка зацікаўленая ў разьвіцьці стасункаў з намі без выбудоўваньня нейкіх там дадатковых бар’ераў і папярэдніх умоваў,то мы сур’ёзна ў гэтым пляне прасунемся, і амэрыканцы будуць задаволеныя супрацоўніцтвам зь Беларусьсю.
«Я думаю, амэрыканцы зразумелі, што Беларусь — гэта ключавая краіна ў Эўропе і зь ёй трэба супрацоўнічаць», — сказаў А.Лукашэнка.
Гаворачы пра нядаўна абранага прэзыдэнта ЗША Барака Абаму, кіраўнік Беларусі сказаў:
«Гэта новы, малады, адукаваны чалавек, больш хуткі і энэргічны чалавек, які зможа больш рэальна паглядзець на сусьветную рэчаіснасьць».
Разам з тым, Лукашэнка заявіў, што Беларусь абсалютна «падтрымае Расеі ў адэкватных дзеяньнях на разьмяшчэньне амэрыканскай СРА ў Чэхіі і Польшчы».
***
Нагадаем, што год таму ЗША увялі санкцыі супраць канцэрну «Белнафтахім». У траўні 2008 г. сьпіс прадпрыемстваў, супраць якіх уведзеныя санкцыі, быў пашыраны кампаніямі: «Лакафарба» (Ліда, Гарадзенская вобл.), «Полацк‑Шкловалакно» і «Беларускі нафтавы гандлёвы дом».
У пачатку верасьня Міністэрства фінансаў ЗША зьняло на шэсьць месяцаў санкцыі супраць прадпрыемстваў «Лакафарба» і «Шкловалакно». Гэта стала магчыма пасьля таго, як Менск пайшоў на вызваленьне палітвязьняў.
Аднак пакуль што ЗША не сьпяшаецца далучыцца да рашэньня Эўрасаюзу аб частковым прыпыненьні візавых санкцыяў адносна беларускіх чыноўнікаў. ЗША разьлічваюць на паляпшэньне становішча незалежных мэдыяў і незалежных арганізацый, заяўляў намесьнік дзяржсакратара Дэйвід Мэркел.
Таксама варта адзначыць, што ад сакавіка пасольства Беларусі ў Вашынгтоне і пасольства ЗША ў Менску працуюць у абмежаванымі магчымасьцямі. Спачатку сталіцу ЗША пакінуў беларускі пасол Міхаіл Хвастоў. Празь некалькі дзён беларускія ўлады настаялі на тым, каб тэрыторыю краіны пакінула пасол Карэн Ст’юарт. За гэты час спн.Ст’юарт атрымала пасаду ў Дзярждэпартамэнце ЗША і вяртацца ў Беларусь не зьбіраецца. Калі вернецца за акіян Хвастоў таксама сказаць цяжка.
БТ неаднаразова абвінавачвала пасольства ЗША ў стварэньні на тэрыторыі нашай краіны шпіёнскіх сетак, а таксама ў фінансаваньні апазыцыі. У нейкі пэрыяд Штаты былі блізкія да таго, каб цалкам зачыніць пасольства ў Беларусі. У траўні колькасьць супрацоўнікаў амэрыканскай амбасады было скарочанае да чатырох чалавек, разам з часовым павераным Джонатанам Мурам.
Цяпер чытаюць
На канверце Ціханоўскай напісана «Медведю О.В.» Што гэта за чалавек?11
На канверце Ціханоўскай напісана «Медведю О.В.» Што гэта за чалавек?
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары