Афіша44

Стынг прывязе ў Мінск рок-праграму «57th & 9th»

8 кастрычніка, «Мінск-Арэна», 19.00

Пасля паспяховых гастроляў па Паўночнай і Паўднёвай Амерыцы, Мексіцы і Еўропе брытанскі рок-музыка Стынг пад захопленыя водгукі прыхільнікаў і крытыкаў працягвае пакараць новыя гарады і краіны. Наперадзе шоу ў Аўстрыі, Эстоніі, Расіі, Літве, Польшчы, Венгрыі, Македоніі, Украіне і Беларусі. Новая праграма, а таксама любімыя хіты і энергія, якая з першага акорда захоплівае дух і аб'ядноўвае гледачоў у адно цэлае, — усё гэта 8 кастрычніка на сцэне «Мінск-Арэны».

Дванаццаты студыйны альбом і першая за апошнія 10 гадоў рок-кружэлка «57th & 9th» пабачыла свет 11 лістапада 2016 года. Незвычайную назву альбом атрымаў дзякуючы скрыжаванню дзвюх вуліц — пяцьдзясят сёмай і дзявятай — кожны дзень па дарозе ў студыю Стынг праходзіў менавіта міма гэтага скрыжавання. Усяго на дыску 10 песень, і кожная з іх адкрывае шматграннасць стыляў Стынга: ад драйвовага і дзёрзкага ў песні «I Can’t Stop Thinking About You» да меланхалічнага і ўхвальнага ў «50, 000».

Ідэя пласцінкі належыць менеджару артыста Марціну Кіршэнбауму. Дарэчы, альбом быў запісаны літаральна за некалькі тыдняў пры ўдзеле Дамініка Мілера і Лайла Уоркмена (гітара), Віні Колаюта (ударныя), бубнача Джоша Фрыза (Nine Inch Nails, Guns n' Roses), а таксама ўдзельнікаў каманд «Last Bandoleros» і «Tex-Mex» з Сан-Антоніа.

Стынг адносіцца да тых артыстаў, якія пастаянна шукаюць сябе і эксперыментуюць. Выхаду новага альбома «57th & 9th» прыхільнікі чакалі як ніколі: дзіва што, бо Стынг вярнуўся да старога добрага року. «Гэта шоу заслугоўвае знака пашаны», — піша «The Telegraph» (Вялікабрытанія). А выданне «Alto Voltaje» (Пуэрта-Рыка) сцвярджае: «Стынг не проста выканаўца, які прыязджае, каб зладзіць шоу. Ён — артыст, які прыязджае, каб ствараць мастацтва на сцэне». На «Мінск-Арэне» збярэцца выключны склад музыкаў: гітарыст Дамінік Мілер, Джош Фрыз (ударныя), Руфус Мілер (гітара), акардэаніст Персі Кардан. Спецыяльны госць — Джо Самнер.

За сваю больш чым 40-гадовую кар'еру на рахунку артыста больш за паўсотню ўзнагарод: 16 статуэтак Grammy, 25 узнагарод American Music Awards, MTV Music Awards, «Залаты глобус» за саўндтрэк да фільма «Кейт і Леа» і многія іншыя. Стынг — камандор ордэна Брытанскай Імперыі, кавалер французскага ордэна Мастацтваў і літаратуры, а таксама ўладальнік ганаровай узнагароды цэнтра мастацтваў імя Джона Кэнэдзі. Ён тройчы намінаваўся на Оскар у катэгорыі «Найлепшая песня да фільма», а на «Алеі Славы» ў Галівудзе можна дакрануцца да зоркі спевака.

Тур арганізаваны прамоўтарам Live Nation пры падтрымцы Cherrytree Management і RZO Entertainment.

Кошт квіткоў: фан-зона — 190 руб, танцпляц — 140 руб, сектара — 90—300 руб.

Білеты можна набыць на сайце allstars.by, у білетных аператараў, а таксама ў касах горада.

Даведкі па тэлефонах: +375 29 650 11 33, +375 29 763 11 11

Каментары4

Цяпер чытаюць

СК апублікаваў відэазапіс падзення беспілотніка. На абломках паказалі ўкраінскія надпісы35

СК апублікаваў відэазапіс падзення беспілотніка. На абломках паказалі ўкраінскія надпісы

Усе навіны →
Усе навіны

У ахоўніка Пуціна заўважылі ў руках невядомую прыладу. Эксперты вызначылі яго як дрон-перахопнік4

Расія ўдарыла па калоніі ў Запарожскай вобласці. Загінулі 16 чалавек

«Фантастычная чацвёрка: Першыя крокі» — новы блакбастар з супергероямі і Педра Паскалем. Там згадваецца і Мінск3

Як змяніліся беларусы пасля 2020 года? Цікавае назіранне былога палітвязня8

Украінскія беспілотнікі атакавалі буйны чыгуначны вузел у Растоўскай вобласці2

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе8

Стральба ў хмарачосе на Манхэтане: забітыя чатыры чалавекі, стралок застрэліўся

Глутамат натрыю ізноў набірае папулярнасць. Магчыма, яно і някепска?6

Ціханоўская падпявала гімну Літвы14

больш чытаных навін
больш лайканых навін

СК апублікаваў відэазапіс падзення беспілотніка. На абломках паказалі ўкраінскія надпісы35

СК апублікаваў відэазапіс падзення беспілотніка. На абломках паказалі ўкраінскія надпісы

Галоўнае
Усе навіны →

Заўвага:

 

 

 

 

Закрыць Паведаміць