Хімічны завод у затопленым горадзе Х'юстан у бліжэйшыя дні можа загарэцца або ўзарвацца.
З-за моцных залеваў, якія прыйшлі за ураганам «Харві», на заводзе кампаніі Arkema ў Кросбі зламалася сістэма астуджэння хімічных рэчываў. Паводле заявы кампаніі, прадухіліць пажар немагчыма.
Завод Arkema спыніў працу ў пятніцу, яшчэ да пачатку ўрагану.
Аднак з-за вялікіх ападкаў — 102 см — яго тэрыторыю затапіла і электразабеспячэнне спынена, паведамілі ў кампаніі. Рэзервовыя генератары таксама затопленыя.
Завод займаецца вытворчасцю арганічных пераксідаў, і хімікаты, што захоўваюцца там, прадстаўляюць небяспеку пры высокіх тэмпературах.
«Цяпер рэчывы могуць падарвацца і выклікаць магутны пажар, — цытуе Рэйтэр кіраўніка кампаніі Рычарда Роўэра. — Высокі ўзровень вады на тэрыторыі, а таксама адсутнасць электрычнасці не пакідаюць нам ніводнай магчымасці гэта прадухіліць».
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3030
Каментары