Беларускія ВНУ 12 ліпеня пачынаюць прымаць дакументы ад абітурыентаў, паведамляе БелТА.
Падаваць дакументы на бюджэт абітурыенты змогуць па 17 ліпеня, у тым ліку ў сілавыя, творчыя ВНУ. На платныя месцы тэрмін падачы щсталяваны па 4 жніўня, у сілавыя і творчыя ВНУ — па 31 ліпеня і 2 жніўня адпаведна. Выпускнікам профільных класаў педагагічнага кірунку, што паступаюць на педспецыяльнасці, трэба будзе падаваць дакументы з 12 па 14 ліпеня, каб прайсці сумоўе. Такія тэрміны ўсталяваныя як для тых, хто прэтэндуе на бюджэт, так і для платнікаў.
Ад 18 ліпеня пачынаюцца ўступныя выпрабаванні па творчасці, фізічнай культуры, а таксама для абітурыентаў з сярэдняй спецыяльнай адукацыяй, якія паступаюць на скарочаную форму навучання. Залічэнне на бюджэт будзе праходзіць па 28 ліпеня, у сілавых ВНУ — па 24-га. На платным аддзяленні ў звычайныя ВНУ будзе залічэнне па 6 жніўня, у сілавыя — па 2 жніўня, у творчыя — па 3 жніўня. Завершыцца ўступная кампанія 6 жніўня.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары