6 траўня ў Столінскім раёне затрымалі міліцыянта, які кіраваў машынай у нецвярозым стане. Пра гэты выпадак парталу tut.by распавёў афіцыйны прадстаўнік МУС Канстанцін Шалькевіч.
Інспектары спынілі кіроўцу за перавышэнне хуткасці. «Пры праверцы дакументаў даішнікі ўлавілі прыкметы алкагольнага ап'янення. Тэст паказаў, што мужчына знаходзіўся ў стане алкагольнага ап'янення», — паведамілі ў МУС.
Мужчына апынуўся супрацоўнікам РАУС Столінскага раёна. У міліцыі ён працаваў з 2000 года. Падчас п'янай паездкі мужчына знаходзіўся ў адпачынку.
Па словах Шалькевіча, за кіраванне машынай у нецвярозым стане столінскага міліцыянта звольняць без права на пенсію.
Раней паведамлялася, што падчас п'янай язды быў затрыманы начальнік Столінскага РАУС.
Каментары