У новым, 84-м, сезоне Нацыянальнага дзяржаўнага Вялікага тэатра оперы і балета гледачоў чакаюць шэсць прэм'ер, паведаміў на прэс-канферэнцыі ў Мінску 1 верасня генеральны дырэктар тэатра Уладзімір Грыдзюшка.
Першая прэм'ера адбудзецца 4 верасня — опера Моцарта «Вяселле Фігара» ў пастаноўцы расійскага рэжысёра Міхаіла Кіслярова.
21 верасня на беларускую сцэну вяртаецца шэдэўр балетнага мастацтва «Пахіта» Людвіга Мінкуса, расказаў Грыдзюшка.
Ён таксама звярнуў увагу на тое, што 8 верасня ў оперы «Царская нявеста» Рымскага-Корсакава праспявае ўладальніца звання лепшай спявачкі свету, беларуска Надзея Кучар.
Артысты разам з харэографам Аляксандрай Ціхаміравай працуюць над аднаактовым балетам «Санеты» Пітэра Уорлака і Ральфа Воан-Уільямса. Яго прэм'ера адбудзецца 1 снежня. Затым Вялікі прадставіць новую сцэнічную рэдакцыю «Тоскі» Пучыні.
У снежні на сцэне тэатра традыцыйна пройдуць мінскі міжнародны Калядны конкурс вакалістаў (7—13 снежня) і мінскі міжнародны Калядны оперны форум (14—20 снежня), на які запрошаны Адэскі нацыянальны акадэмічны тэатр са спектаклем «Пікавая дама».
У ноч з 13 на 14 студзеня прыхільнікі опернага мастацтва запрашаюцца на Вялікі баль.
У сакавіку па-новаму загучыць «Чароўная флейта» Моцарта, якую ставіць еўрапейскі рэжысёр і прадзюсар, прэзідэнт Дрэздэнскага опернага балю і дырэктар міжнароднага конкурсу вакалістаў Competizione dell'Opera Ханс-Йоахім Фрай.
У рамках «балетныя лета ў Вялікім» гледачоў чакае яшчэ адна прэм'ера, сусветная, - зусім новы балет Міхаіла Крылова «Ор і Ора».
Грыдзюшка таксама расказаў пра новыя праекты на наступныя сезоны. Адпрацоўваецца пытанне аб пастаноўцы спектакля «Анастасія Слуцкая». Пачынаецца праца над «Травіятай», прэм'ера адбудзецца ў наступным верасні. Яшчэ адна задумка Вялікага — новая версія спектакля «Багема», які знаходзіцца ў першай тройцы сусветнага рэйтынгу. Акрамя таго, плануецца сумесная праца з чэшскім харэографам Іржы Кіліянам. Далей у планах — пастаноўка спектакляў на музыку Штрауса «Саламея» і «Так казаў Заратустра».
Таксама абдумваецца магчымасць пастаноўкі ў класіцы спектакля «Карсар» пры ўдзеле аднаго з лепшых балетмайстраў-рэпетытараў Марыінскага тэатра Вячаслава Хамякова.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
«Калеснікава кажа, што не збіраецца выходзіць, пакуль не выйдзе апошні з палітвязняў»32
Каментары