«Кавалер ружы» закранае актуальныя для Украіны тэмы.
Беларускі сцэнарыст, драматург і рэжысёр Андрэй Курэйчык выпадкова даведаўся, што камедыю «Кавалер ружы», напісаную ім па матывах лібрэта Гуга фон Гофмансталя, ставіць на ўкраінскай мове Луганскі акадэмічны музычна-драматычны тэатр. Прэм’ера камедыі прайшла 27 сакавіка, найбліжэйшы паказ пройдзе 30 мая.
Па словах Курэйчыка, дазвол на пастаноўку ў яго не пыталі і аўтарскіх выплатаў ён не чакае. Але ён і не супраць гэткай пастаноўкі.
«Ніхто не звязваўся, я проста інтэрнэце ўчора знайшоў у рэпертуары Луганскага музычна-драматычнага тэатра пастаноўку», — кажа Курэйчык.
Гэта не першая пастаноўка п’есы, яе ставіла Валянціна Еранькова у Магілёўскім драматычным тэатры 11 год таму. У Луганску яе ставіць заслужаны артыст Украіны Анатоль Яворскі.
«Я разумею, чаму яна актуальная ў Луганску. П’еса антываенная такая», — кажа Курэйчык.
«Кавалер ружы» распавядае пра Аўстра-Венгрыю часоў Першай сусветнай вайны. Пакуль у Вене арыстакратыя балюе, на ўскраіне імперыі ідзе вайна. «Усё пытанне ў тым, каго адсылаюць на гэтую вайну, хто вернецца з гэтай вайны… І ці мусіць працаваць Венская опера падчас вайны, ці не мусіць. Не ведаю, у якім кантэксце яна пастаўленая ў Луганскім тэатры», — згадвае п’есу рэжысёр.
Нягледзячы на «пірацкую» пастаноўку, Курэйчык не будзе выступаць супраць пастаноўкі.
«Няма ніякога жадання ў мяне нейкую заключаць на гэтым этапе дамову, атрымліваць грошы… Хай іграюць», — заявіў Курэйчык.
«З аднога боку, я разумею, што наогул дзіўна, што тэатр там працуе ва ўмовах фактычна ваенных дзеянняў, я разумею мужнасць артыстаў іграць гэты спектакль. Але з другога боку, мне не хочацца мець дамову, у якой будзе напісана «ЛНР» ці нешта такое», — смяецца ён.
Курэйчык рады, што тэатры на тэрыторыі, падкантрольнай «ЛНР», наогул дзейнічаюць. «Я перакананы, што тэатр застаецца гэткай аддушынай для людзей, у якіх жыццё звязанае з пастаяннай небяспекай, калі няма прадуктаў, грошай, нармальнага жыцця», — кажа ён ды згадвае, што сённяшні Купалаўскі тэатр працаваў і падчас нямецкай акупацыі.
«Пры любых уладах, пры любых, хоць самых страшных войнах, звычайныя людзі цягнуцца да нечага светлага, добрага. Да музыкі, паэзіі, мовы… Гэта пэўная мужнасць саміх артыстаў», — заключае драматург.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары