Пасля пастаноўкі «Дон Жуана» Купалаўскі рыхтуе новую прэм’еру. Як паведамляе сайт тэатра,
у калектыве пачаліся рэпетыцыі спектакля «Тата». У аснове будучага спектакля – п’еса «Ціхі шэпат сыходзячых крокаў». Яе аўтар Дзмітрый Багаслаўскі – узыходзячая зорка беларускай драматургіі.
Яго п’есы, адзначаныя прызамі і ўзнагародамі міжнародных драматургічных конкурсаў і фестываляў, ідуць у Кіеве, Маскве, Абакане, Улан-Удэ, Новасібірску і Уфе. Цікава, што ў верасні мінулага года «Ціхі шэпат сыходзячых крокаў» паставілі ў Рэспубліканскім тэатры беларускай драматургіі.
Паводле сюжэта, былы вайсковец Аляксандр (яго ролю ў розных складах будуць выконваць Раман Падаляка або Сяргей Рудэня) вяртаецца пасля смерці бацькі (Генадзь Аўсяннікаў, Генадзь Гарбук) у родны дом. Сёстры Аляксандра хочуць прадаць будынак. Галоўны герой супраць. Аляксандр спрабуе разабрацца, ці любіў яго бацька, які нават пасля смерці прыходзіць да яго ў снах.
Рэжысёрам «Таты» будзе Кацярына Аверкава (у Купалаўскім яна ставіла спектаклі «Зіма» і «Офіс»). Дэкарацыі рыхтуе галоўны мастак тэатра Барыс Герлаван. Касцюмы – выпускніца апошняга Вольга Шчарбінская. Музыку да пастаноўкі піша Мацвей Сабураў.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары