5 красавіка супрацоўнікі СБУ сумесна з памежнікамі ў пункце пропуску «Чырвоная Талоўка» (Луганская вобласць) затрымалі грамадзяніна РФ Банных Рамана Сяргеевіча, які спрабаваў перасекчы дзяржаўную мяжу Украіны для непасрэднай арганізацыі і каардынацыі сепаратысцкіх акцый у Луганску.
«Банных, 1985 г.н., зарэгістраваны па адрасе в/ч 13204, якая ўваходзіць у склад ГРУ ГШ ВС Расійскай Федэрацыі, непасрэдна арганізоўваў і каардынаваў з тэрыторыі РФ працу дыверсійнай групы, якая дзейнічала ва Украіне. Мэтай гэтых глыбока заканспіраваных груп было звяржэнне канстытуцыйнага ладу і захоп улады, ажыццяўленне тэрарыстычных актаў, распальванне сепаратызму і дэстабілізацыя сітуацыі ва ўсходніх рэгіёнах нашай дзяржавы», — гаворыцца ў паведамленні прэс-службы СБУ.
У пачатку сакавіка чатырох членаў адной з такіх груп, якая выконвала спецыяльнае заданне па арганізацыі сакрэтнай антыдзяржаўнай кампаніі на Данеччыне, — грамадзяніна РФ Негрыенка, грамадзяна Украіны М. Чумачэнка, В. Іванова і А. Галавіна — СБУ затрымала ў Данецку за арганізацыю масавых мерапрыемстваў з мэтай звяржэння канстытуцыйнага ладу, распаўсюджванне антыдзяржаўных настрояў сярод насельніцтва, правакаванне да радыкальных дзеянняў, захоп дзяржаўных будынкаў.
Па факце супрацьпраўнай дзейнасці названых асоб распачата крымінальная справа па прыкметах злачынстваў, прадугледжаных ч.3 арт. 15, ч. 1 арт. 294, ч. 1 арт. 263, ч.1 арт. 109 і ч.1 арті. 110 Крымінальнага кодэксу Украіны. Усе чацвёра знаходзяцца пад вартай.
Як паведамлялася раней, В.Негрыенка ў Данецку арганізоўваў падпольныя ячэйкі, спрабаваў прыцягнуць да супрацьпраўнай дзейнасці спецназаўцаў МУС Украіны, забяспечваў экстрэмістаў зброяй і выбухоўкамі, узгадняючы гэтыя дзеянні з Р. Банных.
Пра гэта сведчаць матэрыялы зафіксаваных тэлефонных перамоваў Негриенка і Банных, падчас якіх яны абмяркоўваюць дэталі сустрэчы груп «расійскіх турыстаў», ўзбраенне правакатараў пад выглядам прарасійскіх мітынгоўцаў.
Службай бяспекі Украіны расследуюцца абставіны падрыхтоўкі Негріенкам выбухаў у грамадскіх месцах з масавым знаходжаннем людзей. Пры затрыманні 10 сакавіка ён меў пры сабе выбуховае рэчыва з электрадэтанатарам і паражальнымі элементамі. А за дзень да гэтага ва Украіну спрабаваў уехаць яго саўдзельнік Раман Банных, якога ўкраінскія памежнікі не прапусцілі.
Па наяўнай інфармацыі, другая спроба Банных прыехаць ва Украіну звязана з планамі дыверсійнай працы на Луганшчыне, у прыватнасці арганізацыі масавых акцый 6 красавіка.
Апытанка
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары