5 krasavika supracoŭniki SBU sumiesna z pamiežnikami ŭ punkcie propusku «Čyrvonaja Tałoŭka» (Łuhanskaja vobłaść) zatrymali hramadzianina RF Bannych Ramana Siarhiejeviča, jaki sprabavaŭ pierasiekčy dziaržaŭnuju miažu Ukrainy dla niepasrednaj arhanizacyi i kaardynacyi sieparatysckich akcyj u Łuhansku.
«Bannych, 1985 h.n., zarehistravany pa adrasie v/č 13204, jakaja ŭvachodzić u skład HRU HŠ VS Rasijskaj Fiederacyi, niepasredna arhanizoŭvaŭ i kaardynavaŭ z terytoryi RF pracu dyviersijnaj hrupy, jakaja dziejničała va Ukrainie. Metaj hetych hłyboka zakanśpiravanych hrup było źviaržeńnie kanstytucyjnaha ładu i zachop ułady, ažyćciaŭleńnie terarystyčnych aktaŭ, raspalvańnie sieparatyzmu i destabilizacyja situacyi va ŭschodnich rehijonach našaj dziaržavy», — havorycca ŭ paviedamleńni pres-słužby SBU.
U pačatku sakavika čatyroch členaŭ adnoj z takich hrup, jakaja vykonvała śpiecyjalnaje zadańnie pa arhanizacyi sakretnaj antydziaržaŭnaj kampanii na Danieččynie, — hramadzianina RF Niehryjenka, hramadziana Ukrainy M. Čumačenka, V. Ivanova i A. Hałavina — SBU zatrymała ŭ Daniecku za arhanizacyju masavych mierapryjemstvaŭ z metaj źviaržeńnia kanstytucyjnaha ładu, raspaŭsiudžvańnie antydziaržaŭnych nastrojaŭ siarod nasielnictva, pravakavańnie da radykalnych dziejańniaŭ, zachop dziaržaŭnych budynkaŭ.
Pa fakcie supraćpraŭnaj dziejnaści nazvanych asob raspačata kryminalnaja sprava pa prykmietach złačynstvaŭ, praduhledžanych č.3 art. 15, č. 1 art. 294, č. 1 art. 263, č.1 art. 109 i č.1 arti. 110 Kryminalnaha kodeksu Ukrainy. Usie čaćviora znachodziacca pad vartaj.
Jak paviedamlałasia raniej, V.Niehryjenka ŭ Daniecku arhanizoŭvaŭ padpolnyja jačejki, sprabavaŭ pryciahnuć da supraćpraŭnaj dziejnaści śpiecnazaŭcaŭ MUS Ukrainy, zabiaśpiečvaŭ ekstremistaŭ zbrojaj i vybuchoŭkami, uzhadniajučy hetyja dziejańni z R. Bannych.
Pra heta śviedčać materyjały zafiksavanych telefonnych pieramovaŭ Niehrijenka i Bannych, padčas jakich jany abmiarkoŭvajuć detali sustrečy hrup «rasijskich turystaŭ», ŭzbrajeńnie pravakataraŭ pad vyhladam prarasijskich mitynhoŭcaŭ.
Słužbaj biaśpieki Ukrainy rasśledujucca abstaviny padrychtoŭki Niehrijenkam vybuchaŭ u hramadskich miescach z masavym znachodžańniem ludziej. Pry zatrymańni 10 sakavika jon mieŭ pry sabie vybuchovaje rečyva z elektradetanataram i paražalnymi elemientami. A za dzień da hetaha va Ukrainu sprabavaŭ ujechać jaho saŭdzielnik Raman Bannych, jakoha ŭkrainskija pamiežniki nie prapuścili.
Pa najaŭnaj infarmacyi, druhaja sproba Bannych pryjechać va Ukrainu źviazana z płanami dyviersijnaj pracy na Łuhanščynie, u pryvatnaści arhanizacyi masavych akcyj 6 krasavika.
Apytanka
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary