У латвійскіх шпротах выяўлена перавышанае ўтрыманне канцэрагеннага рэчыва бензапірэну [якое раней «знаходзілі» ва ўкраінскіх цукерках Roshen — НН], расійскія СМІ спасылаюцца на справаздачу Расспажыўнагляда, паведамляе lenta.ru
ІТАР-ТАСС удакладняе, што прадукцыя была выпушчана кампаніямі SIA Randa, Klavas, Rojas pagasts, Rojas novads.
Па інфармацыі «Прайм», вытворцам прадукцыі апынулася адна кампанія — SIA Randa Klavas, і ў дачыненні да яе Рассельгаснагляд увёў рэжым ўзмоцненага лабараторнага кантролю.
Рассельгаснагляд ўжо выяўляў перавышанае ўтрыманне бензапірэну ў латвійскіх кансервах некалькі гадоў таму.
У прыватнасці, у кастрычніку 2006 года Расспажыўнагляд забараніў імпарт шпротаў з-за павышанага ўтрымання канцэрагенных рэчываў. Тагачасны кіраўнік Расспажыўнагляду Генадзь Анішчанка сцвярджаў, што латвійскія шпроты не адпавядаюць ні расійскім, ні еўрапейскім стандартам. У Рызе рашэнне аб забароне прадукцыі называлі палітычна матываваным.
Нагадаем, што ў жніўні 2012 г. у Беларусі, наадварот, выбухнуў скандал з расійскімі балтыйскімі кансервамі.
Паведамлялася, што больш чым у 50 магазінаў па ўсёй Беларусі адной буйной гандлёвай сеткі паступілі няякасныя рыбныя кансервы з адной партыі звыш 200 тысяч штук. Гаворка ішла пра «Селядзец атлантычны ў таматным соусе», «Селядзец атлантычны ў алеі» і «Шпроты ў алеі з балтыйскай кількі», вырабленымі на адным прадпрыемстве ў Калінінградскай вобласці.
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары