Dahiestanski piśmieńnik Adało Alijeŭ viarnuŭsia na radzimu z palityčnaje emihracyi, kab atrymać vosiem hod źniavoleńnia ŭmoŭna.
Sudovaje pasiedžańnie ŭ Machačkale ciahnułasia dziesiać dzion i skončyłasia 24 vieraśnia. Dahiestanskaha klasyka abvinavačvali adrazu pa troch artykułach Kryminalnaha kodeksu Rasiei: zaklik da ŭzbrojenaha paŭstańnia, udzieł u niezakonnym uzbrojennym farmavańni i niezakonnaje nabyćcio, zachoŭvańnie i našeńnie zbroi. Što cikava, Alijeŭ sam viarnuŭsia z emihracyi i dobraachvotna źjaviŭsia ŭ Machačkalinskuju prakuraturu.
Jak paviedamiŭ dla «NN» sakratar Rasiejskaha PEN-centru Alaksandar Tkačenka, piśmieńnik dasłaŭ jamu asabista list z prośbaj zrabić usie zachady, kab zrabić mahčymym jaho viartańnie na Radzimu: «Alijeŭ i ŭsie my bajalisia adnaha: u Machačkale jaho mahli adrazu ŭziać pad achovu dy pasadzić u ahulnuju kameru». Nasamreč pryniali Alijeva davoli dobra, u prakuratury navat zapluščyli vočy na toje, što pry viartańni jon nielehalna pierajšoŭ miažu. Da sudu jon siadzieŭ pad chatnim aryštam.
Abvinavaŭcy kazali pra toje, što Alijeŭ źjaŭlaŭsia hałoŭnym ideolaham stvareńnia isłamskaj respubliki ŭ Dahiestanie, a taksama niby atrady Basajeva i Chataba ŭvachodzili ŭ žniŭni 1999 h. na terytoryju Dahiestanu z zaklikami Alijeva.
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Budkin
Kamientary