3 červienia deputaty Frałoŭ, Skrabiec i Parfianovič abviaścili haładoŭku ŭ znak pratestu suprać nieŭniasieńnia ŭ paradak raboty sesii padrychtavanaha «respublikancami» zakonaprajektu ab źmienach u vybarčaje zakanadaŭstva. Inšyja patrabavańni — vypuścić z turmy Michaiła Maryniča i admovicca ad źmienaŭ u kanstytucyi ab trecim terminie dla Łukašenki. U zvarocie da deputataŭ haładoŭščyki zajaŭlajuć, što hatovy razhledzieć varyjant dobraachvotnaj adstaŭki Łukašenki i harantavać jamu niedatykalnaść, zachavańnie majomaści, bankaŭskich rachunkaŭ i volny vyjezd z krainy.
U akcyi adčuvalisia spantannaść, niearhanizavanaść i adsutnaść za «respublikancami» ahulnarespublikanskaj struktury. Spačatku deputaty načavali na pracoŭnych miescach u parlamencie. Adnak pakolki Dom uradu byŭ blakavany achovaj, deputaty pierabralisia na kvateru da Frałova.
4 červienia da haładoŭki dałučylisia aktyvisty AHP Maryna Bahdanovič i Hienadź Anańjeŭ. 5 červienia — sproba raźbić namioty ŭ dvary domu hienerała Frałova. AMAP źnios namioty, Marynu Bahdanovič i Hienadzia Anańjeva časova zatrymali. Siabry AHP Uładzimier Čyrvonienka i (6 červienia) Jury Istomin dałučylisia da haładoŭki. 5 i 6 červienia Valeryju Frałovu dvojčy vyklikali «chutkuju». Lekar zafiksavaŭ pieradynfarktny stan — u hienerała raniej užo byŭ infarkt.
7 červienia kvateru na Kazarmiennym naviedali pasoł ABSE Eberhard Chajkien, pasły eŭrapiejskich krainaŭ. Unočy z 7 na 8 červienia kamunalniki źniali transparant «Za spraviadlivaść. Nie treciamu terminu. Svabodu Maryniču» z balkonu kvatery Frałova.
Za transparant u dačynieńni da Frałova zaviedzienaja administracyjnaja sprava pa artykule 143 č.3 Administracyjnaha kodeksu za «samavolnaje pieraabstalavańnie, pierafarboŭvańnie balkonaŭ, lodžyj i inšych architekturnych elementaŭ fasadaŭ žyłych damoŭ».
8 červienia haładoŭščykaŭ naviedaŭ pasoł ZŠA Džordž Kroł.
Ranicaj zatrymanyja šaściora maładafrontaŭcaŭ, jakija razdavali kala Domu ŭradu zvaroty haładoŭščykaŭ da pradstaŭnikoŭ siłavych struktur, vertykalščykaŭ i deputataŭ. U zvarocie — zaklik dziejničać u ramkach Kanstytucyi i zdarovaha sensu: «Samym zaŭziatym čynoŭnikam… nia ŭdasca paźbiehnuć adkaznaści. Tamu prytrymlivajciesia zakonu i žyvicie pavodle sumleńnia». Deputaty-haładoŭščyki nazvali zatrymańnie maładafrontaŭcaŭ «niezakonnym» i papiaredzili pradstaŭnikoŭ ułady ab adkaznaści za niezakonnyja dziejańni. U haładoŭščykaŭ źjaviŭsia ŭłasny internet-sajt: www.inart.info. U pieršy ž dzień jaho naviedali 837 čałaviek.
Na momant zdačy numaru stała viadoma, što 10 červienia da haładoŭki dałučycca połacki pradprymalnik.
VDz
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary