Kab viarnuć na pryłaŭki nizkatłustuju małočnuju pradukcyju, ceny dazvolili padniać na 35%.
Nizkatłustyja vidy małočnych praduktaŭ i pradukty biez dadatkaŭ i napaŭnialnikaŭ usio radziej źjaŭlalisia na pryłaŭkach biełaruskich kramaŭ. Minekanomiki kanstatavała, što ich vytvorčaść praktyčna spyniłasia ŭ suviazi sa stratnaściu. Kab viarnuć pradukcyju na pryłaŭki, ministerstva dazvoliła pavysić hraničnyja maksimalnyja adpusknyja ceny na 35%. Vyraście ŭ canie i chleb.
Rost cenaŭ na 35% čakaje małako i kiefir tłustaściu da 3,5%, śmiatanu tłustaściu da 25%, tvaroh tłustaściu da 9% biez smakavych dadatkaŭ i napaŭnialnikaŭ.
Jak paviedamlajecca ŭ
Mienš surjoznaje padaražańnie čakaje inšyja vidy małočnaj pradukcyi.Pastanovaj Minekanomiki vytvorcam u kastryčniku dazvolena padvysić adpusknyja ceny na vysokatłustyja vidy małaka, kiefiru, śmiatany, tvarahu, a taksama na anałahičnyja małočnyja pradukty sa smakavymi dadatkami i napaŭnialnikami na 4%.
Za ceny na tłustuju «małočku» Minekanomiki ŭziałosia ŭ krasaviku hetaha hoda. Tady było pryniataje rašeńnie pra niepieravyšeńnie małakapierapracoŭčymi arhanizacyjami na nazvanyja pradukty ŭzroŭniu adpusknych cenaŭ, ustalavanych pa stanie na 29 krasavika 2012 hoda. U žniŭni i vieraśni vytvorcam dazvolili padvysić adpusknyja ceny na 4% u miesiac.
Akramia taho Minekanomiki pavyšaje na 10% hraničnyja maksimalnyja adpusknyja ceny na sacyjalna značnyja vidy chleba i batona. Matyvy tyja ž: kampiensacyja padaražańnia zbožžavaj syraviny, skaračeńnie stratnaści vytvorčaści i nasyčeńnie spažyvieckaha rynku. Inšyja vidy chlebabułačnaj pradukcyi vyrastuć u canie na 3%.
Kamientary