Каб вярнуць на прылаўкі нізкатлустую малочную прадукцыю, цэны дазволілі падняць на 35%.
Нізкатлустыя віды малочных прадуктаў і прадукты без дадаткаў і напаўняльнікаў усё радзей з’яўляліся на прылаўках беларускіх крамаў. Мінэканомікі канстатавала, што іх вытворчасць практычна спынілася ў сувязі са стратнасцю. Каб вярнуць прадукцыю на прылаўкі, міністэрства дазволіла павысіць гранічныя максімальныя адпускныя цэны на 35%. Вырасце ў цане і хлеб.
Рост цэнаў на 35% чакае малако і кефір тлустасцю да 3,5%, смятану тлустасцю да 25%, тварог тлустасцю да 9% без смакавых дадаткаў і напаўняльнікаў.
Як паведамляецца ў
Менш сур’ёзнае падаражанне чакае іншыя віды малочнай прадукцыі.Пастановай Мінэканомікі вытворцам у кастрычніку дазволена падвысіць адпускныя цэны на высокатлустыя віды малака, кефіру, смятаны, тварагу, а таксама на аналагічныя малочныя прадукты са смакавымі дадаткамі і напаўняльнікамі на 4%.
За цэны на тлустую «малочку» Мінэканомікі ўзялося ў красавіку гэтага года. Тады было прынятае рашэнне пра неперавышэнне малакаперапрацоўчымі арганізацыямі на названыя прадукты ўзроўню адпускных цэнаў, усталяваных па стане на 29 красавіка 2012 года. У жніўні і верасні вытворцам дазволілі падвысіць адпускныя цэны на 4% у месяц.
Акрамя таго Мінэканомікі павышае на 10% гранічныя максімальныя адпускныя цэны на сацыяльна значныя віды хлеба і батона. Матывы тыя ж: кампенсацыя падаражання збожжавай сыравіны, скарачэнне стратнасці вытворчасці і насычэнне спажывецкага рынку. Іншыя віды хлебабулачнай прадукцыі вырастуць у цане на 3%.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары