Chto zamienić Rusieckaha? Pretendentaŭ jak nikoli šmat
Abirać kiraŭnika Akademii Navuk budzie kiraŭnik dziaržavy.
23 kastryčnika Alaksandar Łukašenka padpisaŭ zahad ab vyzvaleńni Anatola Rusieckaha ad pasady staršyni prezydyjumu Nacyjanalnaj akademii navuk Biełarusi ŭ suviazi ź pierachodam na vybarnuju pasadu. Hetaje rašeńnie čakałasia, bo spadara Rusieckaha dniami abrali namieśnikam staršyni savietu respubliki — vierchniaj pałaty nacyjanalnaha schodu.
Usie kažuć, što pretendentaŭ hetym razam jak nikoli šmat, a vybar zrobić Alaksandar Łukašenka.Chto zamienić Anatola Rusieckaha ŭ Akademii navuk? Krynicy «Svabody» ŭ akademii na hetaje pytańnie nie dajuć peŭnaha adkazu.
Darečy, Anatola Rusieckaha, jak i jaho papiarednika Michaiła Miaśnikoviča, pryznačyŭ kiravać akademijaj niepasredna Alaksandar Łukašenka. Pryčym
raniej, pavodle statutu akademii, jaje kiraŭnik abiraŭsia vyklučna z navukovaj elity — akademikaŭ. Ale paśla pryznačeńnia spadara Miaśnikoviča statut źmianili.
A raniej pieršuju asobu ŭ Akademii navuk abirali na ahulnym schodzie. U im udzielničali akademiki, členy-karespandenty, dyrektary akademičnych instytutaŭ, a taksama abranyja navukovyja supracoŭniki z kvotaj u zaležnaści ad pamieraŭ instytutu.
Apošni raz pretendenty byli čatyry: Alaksandr Vajtovič, Andrej Hančarenka, Anatol Dastanka i Anatol Rubinaŭ. Tady ŭžo ŭ pieršym tury pieramoh spadar Vajtovič, jaki nabraŭ bolš za pałovu hałasoŭ udzielnikaŭ ahulnaha schodu.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty18
Kamientary