Materyjały kryminalnaj spravy ŭ dačynieńni da śpievaka Viktara Kaliny i jaho žonki pieradadzienyja ŭ sud Leninskaha rajona Mienska
Ministerstva ŭnutranych spraŭ Biełarusi nakiravała ŭ Leninski sud Minska materyjały kryminalnaj spravy ŭ dačynieńni da viadomaha vykanaŭca Viktara Kaliny i jaho žonki Śviatłany.
Jak paviedamiŭ BiełaPAN načalnik upraŭleńnia pa rasśledavańni złačynstvaŭ u śfiery arhanizavanaj złačynnaści i karupcyi hałoŭnaha ŭpraŭleńnia papiaredniaha rasśledavańnia MUS Dźmitryj Danilčyk, V.Kalina abvinavačvajecca ŭ arhanizacyi machlarstva ŭ asabliva bujnym pamiery (č. 4 art. 16 i č. 4 art. 209 KK), arhanizacyi zaviedama niepraŭdzivaha danosu (č. 4 art. 16 i č. 2 art. 400 KK) i zaviedama niepraŭdzivaje pakazańnie (č. 2 art. 401 KK). Druhi i treci składy tyčacca dziejańniaŭ biełaruskaha vykanaŭca ŭ Maskvie, jakija byli im ažyćcioŭleny dla atrymańnia strachoŭki za nibyta vykradzieny aŭtamabil «Miersiedes». Śviatłana Kalina abvinavačvajecca va ŭčynieńni machlarstva ŭ asabliva bujnym pamiery (č. 4 art. 209 KK).
Zaraz V.Kalina znachodzicca pad vartaj, jaho žonka 21 lutaha była adpuščana sa śledčaha izalatara pad załoh.
Nahadajem, 5 studzienia 2007 hoda V.Kalinu aryštavali pa abvinavačańni ŭ machlarstvie (č. 4 art. 209 KK). Jašče raniej, 27 śniežnia 2006 hoda, u Minsku była zatrymana, a potym aryštavana jaho žonka. Jaje zatrymali ŭ «Absalutbanku» pry sprobie niezakonnaha atrymańnia strachavoj sumy ŭ pamiery bolš čym 71 młn. rubloŭ u suviazi ź nibyta vykaradańniem u Maskvie aŭtamašyny «Miersiedes», zastrachavanaj na 34 tys. dołaraŭ.
Pavodle słoŭ D.Danilčyka, «Miersiedes» znojdzieny ŭ Biełarusi, terytoryju krainy jon nie pakidaŭ. Śledstvam ustanoŭleny saŭdzielnik muža i žonki Kalina, niejki rasijski hramadzianin. Materyjały ŭ dačynieńni da jaho nakiravany ŭ pravaachoŭnyja orhany Rasii.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary