Mała taho, kłub lidziruje ŭ čempijanacie Sierbii.
Hałoŭny trenier sierbskaha futbolnaha kłuba «Vajvodzina» (Novy-Sad) Złatamir Zahorčyč pazbaviŭsia pasady paśla taho, jak jaho kamanda atrymała try pieramohi zapar.
U pieršym tury čempijanatu Sierbii ŭ vyšejšaj lizie «Vajvodzina» zhulała ŭničyju z kłubam «Śmiedzierava» (0:0), a potym trojčy pieramahła z adnolkavym likam 1:0 kamandy «Spartak Subocica», «BSK Borča» i «Dońji Srem Piečyncy».
Z 10 ačkami «Vajvodzina» ŭznačalvaje turnirnuju tablicu, apiaredžvajučy na adzin punkt bližejšaha pieraślednika.
Prezident «Vajvodziny» Miadrah Pantelič raspavioŭ, što padčas paŭzy, vyklikanaj matčami nacyjanalnych zbornych, kiraŭnictva kłuba praanalizavała hulniu kamandy na starcie čempijanatu i pryniało rašeńnie rasstacca z trenieram.
Na dumku Panteliča, «Vajvodzina» pavinna pakazvać bolš vidoviščnuju hulniu i pieramahać bolš słabych sapiernikaŭ u inšaj maniery.
Kamientary