Hałoŭny architektar Minska: Dziakujučy Domu Čyža, Trajeckaje pradmieście ŭklučyłasia ŭ tkaninu horada
Z nahody Dnia horada «Komsomolskaja pravda v Biełarusi» ŭziała intervju z hałoŭnym architektaram stalicy Alaksandram Piatrovym. Voś što jon skazaŭ pra tak zvany Dom Čyža, hihancki žyły budynak, što paŭstaŭ na samaj darahoj ziamli stalicy, nad Trajeckim pradmieściem. Domam Čyža jaho nazyvajuć, bo jaho zbudavała firma «Trajpł».
«Ja b skazaŭ, što jon nie prycisnuŭ Trajeckaje pradmieście — jon jaho uklučyŭ u tkaninu horada, — skazaŭ Piatroŭ.— Raniej Trajeckaje było adasoblenym vostravam. Siońnia hety dom ja mahu nazyvać „Łatkinski“ (pa proźviščy architektara), jon spuskajecca kaskadam da Trajeckaha pradmieścia, uklučajučy jaho ŭ haradskuju zabudovu. I harmonija tam peŭnaja jość».
Husty i ŭjaŭleńni sp. Piatrova u hetym vykazvańni — jak na dałoni.
Nahadajem, što kłasik biełaruskaj architektury Leanid Levin raskrytykavaŭ Dom Čyža. Jon ličyć jaho biezhustoŭnaj harharaj, jakaja razburaje ansambl centra stalicy.
A Siarhiej Sierhačoŭ, doktar architektury, prafiesar, zahadčyk kafiedry «Architektura hramadskich budynkaŭ» BNTU, nazvaŭ hety dom «dramaj našaj architektury». «Jaho źjaŭleńnie ŭ hetym miescy, jak i niekatorych inšych budynkaŭ u centry, — śledstva horadabudaŭničaj ŭsiodazvolenaści… Była kamfortnaje asiarodździe: spakojnaja akvatoryja, miłaje, kranalnaje Trajeckaje pradmieście. I raptam uvarvałasia niešta čužoje, adzin abjom najechaŭ na inšy, na treci. Paŭstała napružańnie, jakoje tam zusim ni da čaho».
A najlepšy biełaruski architekturny błohier Daryjus skazaŭ pra architektara Ładkina, što toj «uvojdzie ŭ historyju horada i padručniki architektury jak tyja cyničny vandał, jaki pahnaŭsia za doŭhim rublom ŭpłyvovaha zakazčyka».
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary