U piatnicu žurnalistka Taćciana Biełašova była vyklikanaja ŭ Minskuju haradskuju prakuraturu ŭ suviazi z pravierkaj dziejnaści telekanała “Biełsat”.
Prakuror Dźmitryj Pastajałka pryhadaŭ Biełašovaj jaje zatrymańnie ŭ Parku Horkaha ŭ Minsku 1 červienia padčas padrychtoŭki videasiužeta. Pavodle prakuratury, zdymki, zroblenyja Taćcianaj, vyjšli ŭ efir “Biełsata”.
U suviazi z hetym Taćcianie było vyniesiena papiaredžańnie ad niedapuščalnaści parušeńnia zakona "Ab srodkach masavaj infarmacyi", u pryvatnaści, pracy biez akredytacyi na karyść polskaha telekanała. Papiaredžańnie było ŭručana žurnalistcy za podpisam namieśnika prakurora h.Minska Kazimira Kiežuna.
Sama Taćciana skazała, što nie ličyć siabie vinavataj, i tamu admoviłasia davać u prakuratury tłumačeńni.
Nahadajem, što ciaham hoda anałahičnyja papiaredžańni byli vyniesienyja cełamu šerahu niezaležnych žurnalistaŭ, a ŭ červieni Śledčy kamitet Biełarusi aficyjna zajaviŭ pra pačatak pravierki dziejnaści “Biełsata”.
Piśmovyja papiaredžańni prakuratury za 2012 hod:
1. Alina Radačynskaja (Minsk, 28 sakavika)
2. Volha Čajčyc (Minsk, 28 sakavika)
3. Źmicier Kraŭčuk (Minsk, 22 sakavika)
4. Źmicier Kisiel (Brest, 19 sakavika, ale datavana 27-m lutaha)
5. Hražyna Šałkievič (Hrodna, 27 lutaha)
6. Alaksandr Dzianisaŭ (Hrodna) -21 lutaha
7. Viktar Parfionienka (Hrodna) – 21 luťaha
8. Mikoła Dziatčenia (Hrodna) – 16 lutaha
Vusnyja papiaredžańni KDB:
1. Hražyna Šałkievič (Hrodna, 30 studzienia)
2. Jaŭhien Parčynski (Połack, 22 lutaha)
3. Andrej Mialeška (Hrodna, 28 lutaha)
4. Anatol Sanacienka (Babrujsk, 5 krasavika).
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty1
Kamientary