Da Dnia Voli ŭ belhijskaj stalicy prajšoŭ pakaz «Płoščy» dy kancert salidarnaści.
U Bruseli Dzień Voli adznačali kulturnickimi padziejami, abjadnanymi pad ahulnaj nazvaj «Miensk, płošča Kalinoŭskaha, sakavik 2006». Raspačalisia jany jašče 14 sakavika adkryćciom fotavystavy dy kancertam Volnaha Teatru. Va ŭtulnym bary, jaki mieścicca ŭ šykoŭnym hmachu Muzeja aŭtamabilaŭ, teatar prezentavaŭ pjesy «Być Haraldam Pinteram» dy pakaleńnie «Džyns» (pierakład na anhielskuju tranślavali z na ekran z dapamohaj videaprajektaru).
24 sakavika ŭ tym samym pamiaškańni prajšoŭ pakaz filmu Juryja Chaščavackaha «Płošča» dy kancert salidarnaści ź Biełarusiaj słavackaj śpiavački Petry Džordan. Imprezy mieli niemały pośpiech: ahułam film i kancert naviedali kala 70 čałaviek. I heta ŭličvajučy toj fakt, što arhanizataram daviałosia «spaborničać» sa šmatlikimi inšymi kancertami, jakija ładzilisia ŭ subotni viečar u belhijskaj stalicy.
Kadry filmu Juryja Chaščavackaha vyklikali ŭ hledačoŭ žyvuju reakcyju — ad śmiechu da abureńnia. Pakaz stužki zaviaršyŭsia dyskusijaj pra los Biełarusi i jaje žycharoŭ. Kancert Petry Džordan atrymaŭsia sapraŭdy jeŭrapiejskim: vykonvajučy pieśni pa‑anhielsku, śpiavačka sa Słavakii zaklikała prysutnych da salidarnaści ź biełaruskim narodam.
«U nas ničoha nie było b biez Aksamitnaj revalucyi, — źviarnułasia Petra Džordan da słuchačoŭ pad čas kancertu. — Kali b my nie prajšli praz heta, ja naŭrad ci mieła b mahčymaść być siońnia na hetaj scenie. Tamu ja kažu ŭsim, chto mianie zaraz čuje, i prašu vas pieradać heta inšym ludziam: vy siońnia pryjšli na cudoŭny kancert, ale nie zabyvajciesia, što dyktatury jašče isnujuć — i mienavita apošniaja jeŭrapiejskaja dyktatura ŭ Biełarusi. My pavinny dapamahčy ludziam pavieryć, što nadyšoŭ čas źmienaŭ!»
Pakaz filmu i kancert byli arhanizavanyja Ofisam za demakratyčnuju Biełaruś i prajšli pad patranažam Delehacyi pa adnosinach ź Biełaruśsiu ŭ Eŭrapiejskim Parłamiencie. Padtrymku imprezaŭ ździajśniała taksama Niamieckaja fundacyja Maršała (ZŠA) i słavackaja delehacyja hrupy Eŭrapiejskaj narodnaj partyi‑Eŭrapiejskich demakrataŭ ŭ Eŭraparłamiencie.
Varta adznačyć, što ŭ budučyni Ofis za demakratyčnuju Biełaruś planuje nadavać vialikuju ŭvahi mienavita kulturnickim akcyjam, jakija dapamahajuć stvarać jaskravy imidž Biełarusi za miažoj.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty24
Kamientary