«Iźviestija»: Minabarony ŭzbroić raźviedčykaŭ «špijonskimi kamianiami»
U akruhovyja raźviedpadraździaleńni Suchaputnych vojskaŭ Rasii pačalisia pastaŭki elektronnych pryładaŭ, pryznačanych dla kantrolu za terytoryjaj sapiernika,
pišuć «Iźviestija».
Jak raskazała krynica ŭ Minabarony, hetyja pryłady ŭvachodziać u Kompleks raźviedki, suviazi i kiravańnia (KRUS), jakim ciapier uzbrojvajuć vajennych raźviedčykaŭ. Vonkava «špijonskija kamiani» padobnyja da toŭstaj knihi i ŭ zamaskavanym vyhladzie mohuć miesiacami kantralavać stanovišča ŭ tyle voraha, a padčas napadu — navodzić harmaty i rakiety.
U studzieni 2006 hoda ŭ centry ŭvahi apynułasia historyja sa «špijonskim kamniem», ustalavanym u Maskvie supracoŭnikami brytanskaj raźviedki. Pavodle dadzienych FSB, jon vykarystoŭvaŭsia nie dla zboru, a dla pryjomu i pieradačy infarmacyi. Rasijskija prybory bolš padobnyja da izrailskich sistemaŭ raźviedki Eye Ball i amierykanskich Rembass.
Nazvy i charaktarystyki novych pryładaŭ nie raskryvajucca, adnak jany źjaŭlajucca raźvićciom savieckich sistem aŭtamatyčnaj raźviedki 1K124 «Tabun» i 1K18
Hetyja aparaty zabiaśpiečanyja videakamierami, mikrafonami, datčykami mietału i siejsmadatčykami. Jany zdolnyja aŭtamatyčna fiksavać pieramiaščeńnie ludziej, aŭtamabilaŭ i bronietechniki, raspaznavać abjekty z dapamohaj vyznačanych ałharytmaŭ. Siejśmičnyja datčyki dapamahajuć pa vahańniach hleby raspaznać nabližeńnie kałony bronietechniki.
Kamientary