11 červienia ŭ Barysavie pachavali Halinu Małčanavu, maci viaźnia Alaksandra Małčanava, jaki paśla asudžeńnia za Płošču i pamiłavańnia znoŭ apynuŭsia ŭ turmie.
Halina Małčanava pamierła ad ciažkaj chvaroby ŭ noč na 9 červienia. Alaksandra Małčanava na pachavańnie z Žodzinskaj turmy nie adpuścili, spasłaŭšysia na toje, što prysud adnosna jaho jašče nie ŭstupiŭ u dziejańnie, paviedamlaje Radyjo Svaboda.
* * *
Były palitźniavoleny Alaksandr Małčanaŭ 9 krasavika byŭ asudžany na paŭtara hoda kałonii strohaha režymu. Jon abvinavačvaŭsia pa č. 2 art. 205 Kryminalnaha kodeksa (kradziež, učynieny paŭtorna, abo hrupaj asob, abo z praniknieńniem u žyllo). Nibyta jon razam z Arciomam Ihnacikavym vykrali mietałałom z terytoryi žodzinskaha kavalskaha zavoda ciažkich štampovak. Paśla taho jak Małčanaŭ byŭ asudžany pavodle padziej 19 śniežnia 2010 hoda, jon nie moh nikudy ŭładkavacca na pracu. Jaho nikudy nie brali, niahledziačy na toje, što raniej jon pracavaŭ na Barysaŭskim ramontna-miechaničnym zavodzie, «Hidraŭzmacnialniku» i BATE. Zbor mietałałomu byŭ adzinym sposabam jaho zarabotku.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada31
Kamientary