Sacyjał-demakraty Statkieviča «ličać abaviazkovym pryniać ŭdzieł u elektaralnaj kampanii»
«Niaŭdzieł apazicyi ŭ vybarach nie źjaŭlajecca nahodaj dla ich mižnarodnaha niepryznańnia, hetak ža jak udzieł nie źjaŭlajecca nahodaj dla ich pryznańnia», — havorycca ŭ rezalucyi «Ab unutrypalityčnaj situacyi i ŭdziele ŭ parłamienckaj kampanii», što była pryniata 14 maja prezidyumam arhkamiteta pa stvareńni Biełaruskaj
Aŭtary ličać, što za paŭtara hady, jakija prajšli z momantu prezidenckich vybaraŭ, palityčnyja partyi «nie zdoleli kansalidavacca i vypracavać efiektyŭnuju stratehiju dla novych umovaŭ dziejnaści».Da parłamienckaj kampanii 2012 hoda «adsutničajuć ahulnyja padychody demakratyčnych siłaŭ». «Pakolki adsutničaje prahres ŭ demakratyzacyi vybarčaha zakanadaŭstva, zadačami ŭdziełu demakratyčnych sił u parłamienckaj kampanii pavinny być: karystańnie lehalnymi mahčymaściami dla ahulnanacyjanalnaj ahitacyjnaj kampanii, praviadzieńnie skaardynavanych akcyj pratestu pa ŭsioj krainie ŭ farmacie sustreč z vybarščykami, zbor dokazaŭ falsifikacyi vybaraŭ», — padkreślivajecca ŭ rezalucyi.
«Majučy metaj aktyvizacyju kampanii za vyzvaleńnie Mikałaja Statkieviča i inšych palitviaźniaŭ; pavyšeńnie infarmavanaści hramadstva; rost viadomaści i aŭtarytetu BSDP (NH)», prezidyum arhkamiteta ličyć
«abaviazkovym pryniać ŭdzieł u bližejšaj elektaralnaj kampanii, u tym liku ŭ ramkach kampanii «Za spraviadlivyja vybary 2012».Havorka, u pryvatnaści, idzie pra vyłučeńnie pradstaŭnikoŭ u vybarčyja kamisii ŭsich uzroŭniaŭ, a taksama ŭ arhanizacyi sistemy nazirańnia za parłamienckimi vybarami, kandydataŭ u deputaty i padtrymku kampanii kandydataŭ ad demakratyčnych sił u asobnych akruhach. Kampanija «pavinna zaviaršycca ŭsiebakovym analizam jaje efiektyŭnaści».
Kamientary